اقتاۋ. 7 تامىز. اقتاۋدا «دامۋ» دەم بەرگەن فيتنەس-كلۋبتىڭ جۇمىسى جەمىستى جۇرۋدە. بۇل تۋرالى egemen.kz ءتىلشىسى حابارلادى.
اقتاۋ قالاسىندا تەڭىز جاعالاۋىنداعى ءۇش قاباتتى جانە زاماناۋي قۇرال-جابدىقتارمەن جابدىقتالعان فيتنەس-كلۋب 2015 جىلدىڭ مامىر ايىندا اشىلعان. «PR – Wellness Club» جاۋاپكەرشىلىگى شەكتەۋلى سەرىكتەستىگىنە قاراستى كلۋبتا دەمالۋشىلار باسسەينگە, ساۋناعا, فيتنەس-زالعا جانە كروسسفيت, ستريپ-پلاستيكا, زۋمبا, يوگا سىندى بارلىعى 30-دان استام ءار ءتۇرلى سەكتسيالارعا قاتىسا الادى.
228 قاتىسۋشىعا ارنالعان كلۋب جوباسى «رەسەي سبەربانكى» ااق ارقىلى قارجىلاندىرىلعان. كاسىپكەر «پيراميدا» سپورت كەشەنىنە قاجەتتى نەگىزگى قۇرىلعىلاردى الۋ ءۇشىن 750 ملن. تەڭگە كولەمىندە نەسيە العان. جوبا «بيزنەستىڭ جول كارتاسى-2020» بيزنەستى قولداۋ مەن دامىتۋدىڭ بىرىڭعاي باعدارلاماسىنا قاتىسۋ اياسىندا پايىزدىق مولشەرلەمەنىڭ بولىگىن قارجىلاندىرۋ بويىنشا قولداۋ تاپتى.
گۇلايىم شىنتەمىرقىزى.
دەرەك: egemen.kz.
سۋرەت: business-mangystau.kz.