اقتوبە. 7 تامىز. اقتوبەدە وبلىس كاسىپوداقتارىنىڭ اكتيۆى ءوتتى. اكتيۆ جينالىسى قازاقستان رەسپۋبليكاسى كاسىپوداقتار فەدەراتسياسىنىڭ XXIV سەزىنىڭ جۇمىس قورىتىندىلارى جانە وبلىس كاسىپوداق ۇيىمدارىنىڭ قابىلدانعان شەشىمدەردى جۇزەگە اسىرۋى تۋرالى ماسەلەلەردى قارادى. بۇل تۋرالى egemen.kz ءتىلشىسى حابارلادى.
جيىنعا سالالىق كاسىپوداقتاردىڭ وبلىستىق جانە قالالىق كوميتەتتەرى مەن كاسىپوداق ۇيىمدارىنىڭ توراعالارى, سونداي-اق, سەز دەلەگاتتارى, وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ, وبلىستىق ەڭبەك ينسپەكتسياسىنىڭ باسشىلارى, كاسىپكەرلەردىڭ ۇلتتىق پالاتاسى اقتوبە فيلالىنىڭ وكىلدەرى قاتىستى. جينالىس بارىسىندا وبلىس اكىمىنىڭ ورىنباسارى سارا نۇرقاتوۆا قۇتتىقتاۋ ءسوز سويلەدى. اكتيۆ جينالىسىندا ەلىمىزدىڭ كاسىپوداقتار فەدەراتسياسىنىڭ ۇيىمداستىرۋ, كادرلىق جۇمىستار جانە اكتيۆتەر دەپارتامەنتىنىڭ ديرەكتورى پاۆەل كازانتسەۆ سەزدىڭ جۇمىس قورىتىندىلارى تۋرالى حابارلاما جاسادى. مۇنان كەيىن جيىنعا قاتىسۋشىلار سەزدىڭ شەشىمدەرىن جۇزەگە اسىرۋعا بايلانىستى وبلىس كاسىپوداق ۇيىمدارىنىڭ اعىمداعى پەرسپەكتيۆالىق مىندەتتەرى قاقىنداعى وبلىستىڭ كاسىپوداق ورتالىعىنىڭ توراعاسى تۇرىكپەنباي ايجارىقوۆتىڭ بايانداماسىن تىڭدادى.
جارىسسوزگە قاتىسقان سەزد دەلەگاتتارى, مەملەكەتتىك, بانك جانە قوعامدىق قىزمەت كورسەتۋ قىزمەتكەرلەرى سالالىق كاسىپوداعى وبلىستىق فيليالىنىڭ توراعاسى امانتاي بيمۇراتوۆ, اقتوبە فەرروقورىتپا زاۋىتى كاسىپوداق كوميتەتىنىڭ توراعاسى باقىتكەرەي قابانوۆ, «سنپس – اقتوبەمۇنايگاز» اكتسيونەرلىك قوعامى كاسىپوداق كوميتەتىنىڭ توراعاسى جانجارىق كۇزەمباەۆ سەزدەن العان اسەرلەرى, قازىرگى كەزەڭدەگى كاسىپوداقتاردىڭ ءرولى, باستاۋىش ۇيىمدارداعى اتقارىلىپ جاتقان جۇمىستار, بيزنەستىڭ الەۋمەتتىك جاۋاپكەرشىلىگى جايىندا اڭگىمە ءوربىتتى.
ساتىبالدى ءساۋىرباي.
دەرەك, سۋرەت: egemen.kz.