قىزىلوردا قالالىق پروكۋراتۋراسى جاقىندا جۇرگىزگەن زەرتتەۋ جۇمىستارىنىڭ قورىتىندىسىندا جەر تەلىمدەرىن بەلگىلى ءبىر ماقساتپەن العان كەيبىر ازاماتتار اراسىندا ءوز مىندەتتەمەلەرىنە جەڭىل-جەلپى قارايتىنداردىڭ جەتكىلىكتى ەكەنىنە كوز جەتكىزدى. اتالمىش رەيدكە سونىمەن قاتار, وبلىستىق ەكولوگيا دەپارتامەنتىنىڭ, وبلىستىق جەردىڭ پايدالانىلۋى مەن قورعالۋىن باقىلاۋ جانە قالالىق ىشكى ىستەر باسقارمالارىنىڭ, قالالىق جەر قاتىناستارى ءبولىمىنىڭ قىزمەتكەرلەرى دە قاتىستى.
پروكۋراتۋرا قىزمەتكەرلەرى الدىنا قالا اۋماعىندا كەڭ تارالعان پايدالى قازبالاردى جەكە جانە زاڭدى تۇلعالاردىڭ ءوز بەتتەرىنشە ءوندىرۋ, جەر قويناۋىن زاڭسىز پايدالانۋ دەرەكتەرىن انىقتاۋ, ولاردىڭ ەكولوگيالىق زاڭنامالار تالاپتارىنا جاۋاپ بەرۋلەرى جايلارىن تەكسەرۋ قويىلدى. ال بۇعان قاداعالاۋشى جانە ۋاكىلەتتى مەملەكەتتىك ورگاندار تاراپىنان بۇل باعىتتا جۇرگىزىلگەن ءىس-شارالارعا قاراماستان, مۇنداي فاكتىلەردىڭ جيىلەپ كەتۋى نەگىزگى سەبەپ بولعان. سىرتتاي زەرتتەۋ ناتيجەسىندە جەكە كاسىپكەر ق.شالقىباەۆتىڭ اقسۋات اۋىلدىق وكرۋگى اۋماعىنداعى وزىندىك كاسىپكەرلىكتى جۇرگىزۋ ءۇشىن العان جەر ۋچاسكەسىن نىسانالى ماقساتىنا پايدالانباي, وندا ساز كارەرى مەن قىش زاۋىتىن اشىپ العانى انىقتالدى. وسى تەكتەس دەرەك ماحانبەتوۆ اۋىلىندا دا كەزدەستى. وسىندا تۇراتىن جەكە تۇلعا م.كوپتاەۆ تا «تالدىارىق» وڭىرىندە وزىندىك كاسىپكەرلىكتى دوڭگەلەتىپ اكەتۋگە بەرىلگەن 2 جەر ۋچاسكەسىن كىرپىش وندىرەتىن الاڭعا اينالدىرىپ جىبەرگەن. كىرپىش قۇيىپ, كۇيدىرەتىن تىرلىككە «ەلدوس» شارۋا قوجالىعىنىڭ جەتەكشىسى ا.جۇسىپبەكوۆ تە بارعان. ول اقسۋات اۋىلدىق وكرۋگى, بەسارىق وڭىرىندە شارۋا قوجالىعىن جۇرگىزبەك بولىپ العان جەر ۋچاسكەسىن وسىلاي زاڭسىز پايدالانعان. مۇنداي ءوندىرىس ورىندارىنىڭ قالا ەكولوگياسىنا كەرى اسەر ەتەتىنى دە انىق. بۇدان بولەك, جەكە تۇلعا گ.قىرعاباقوۆا وڭتۇستىك وندىرىستىك ايماعىنداعى كوممەرتسيالىق ماقساتتاعى جەر تەلىمىن نىسانالى تىرلىگىنە ساي پايدالانباي, قۇم-توپىراق كارەرىنە اينالدىرىپ الىپتى. ال «قۇمكول» تاس جولىنىڭ وڭ جاق قاپتالىنداعى جەر ۋچاسكەسىنەن م.قۋانىشباەۆ, «سامارا-شىمكەنت» تاس جولى بويىنداعى كوپىردىڭ جانىنان ا.تايمانوۆ سىندى ازاماتتار پايدالى قازبا – قۇمدى زاڭسىز قازىپ, ونىڭ تيەۋ جۇمىستارىنا دەن قويعان. اتالعان زاڭسىز ارەكەتتەرگە بايلانىستى زاڭدا بەلگىلەنگەن بارلىق شارالاردى كورۋ ءۇشىن ۋاكىلەتتى ورگاندارعا پروكۋرورلىق ىقپال ەتۋ اكتىلەرى ەنگىزىلدى. قازىر وسى تاراپتا جۇمىستار جۇرگىزىلۋدە. «جالپى, وسى تەكتەس زەرتتەۋ جۇمىستارى قالالىق پروكۋراتۋرامەن ءارى قاراي جالعاسىن تاۋىپ جۇرگىزىلەتىن بولادى», – دەدى وسى ورايدا وبلىستىق پروكۋراتۋرانىڭ ءباسپاسوز حاتشىسى بوتاگوز سەيىل.
رۋسلان يگىلىك. قىزىلوردا.