قازىرگى ۋاقىتتا «قورداي» كەدەنىندە ناعىز قاربالاس باستالعان شاق. جۇمىس ۇدەرىسى شەكارالاق ءتورت كەدەن بەكەتىندە تاۋلىك بويىنشا دەمالىسسىز جۇرگىزىلەتىن بولعاندىقتان, كەدەنشىلەرگە ءبىر ءسات تە بوساڭسۋعا جول بەرىلمەيدى.
ولاي دەيتىنىمىز, وسى تاياۋدا عانا كەدەنشىلەر شەكارا قىزمەتكەرلەرىمەن بىرلەسە وتىرىپ, ەسىرتكى الىپ ءوتۋدىڭ ءۇش جولىن كەسكەن بولاتىن. ءناتيجەسىندە 52 كيلودان اسا ەسىرتكىلىك زات – گەروين تاركىلەندى. ۇستالعانداردىڭ بارلىعى قىرعىز ازاماتتارى. ال جاقىندا «قاراسۋ» كەدەن بەكەتىندە تۇنگى ساعات 11-لەر شاماسىندا مەملەكەتتىك نومەرى S5059AH «ۆولگا 3110» ماركالى اۆتوكولىك توقتاتىلدى. كولىك جۇرگىزۋشىسى 1984 جىلى تۋعان كورشى ەل ازاماتى. كۇدىك تۋدىرعان اۆتوكولىكتى باس مامان نۇرجان ايداربەكوۆ پەن جەتەكشى-كينولوگ ەرجان امىرباەۆ تەرەڭدەتىپ تەكسەرۋدەن وتكىزۋ ءۇشىن ينسپەكتسيالىق تەكسەرۋ كەشەنىنە جىبەرۋگە شەشىم قابىلدايدى. ينسپەكتسيالىق تەكسەرۋ كەشەنىندە كەزەكشىلىكتە وتىرعان جەتەكشى مامان سەرىكجان مىرزاقاسىموۆ پەن باس مامان ارمان تاشەۆ اتالمىش اۆتوكولىكتى سكانەرلىك تەكسەرۋدەن وتكىزۋ بارىسىندا ارتقى دوڭگەلەكتەرىنىڭ ءۇستىڭگى قاپتالىندا كۇدىكتى زاتتىڭ ورنالاسقاندىعىن اڭعارادى. ونى تەرەڭدەتە تەكسەرىپ قاراعان كەزدە ارنايى جەلىم قاعازبەن ورالعان 95 دانا بريكەت شىقتى. دەرەۋ تاعايىندالعان حيميالىق ساراپتاما ناتيجەسىندە اتالمىش ۇستالعان زات جالپى سالماعى 32 كيلو 509,84 گرامم گەروين جانە 46,8 گرامم گاشيش ەكەنى انىقتالدى.
بەكەن نۇراحمەتوۆ,
جامبىل وبلىستىق مەملەكەتتىك كىرىستەر دەپارتامەنتى «قورداي» كەدەنى باسشىسىنىڭ ورىنباسارى.
جامبىل وبلىسى.