مەملەكەت تاراپىنان كاسىپكەرلەرگە جەڭىلدىكتەر مەن قولداۋلار كورسەتىلۋ ارقاسىندا بۇل كۇندە جەكە ءىسىن اشۋعا ءمۇمكىندىكتەردى ۇتىمدى پايدالانا الۋشىلاردىڭ از ەمەستىگى ىسكەرلىكتىڭ ءوسۋىن تانىتارلىق قۇبىلىس سانالسا, وسى ورايدا جاڭاارقا اۋدانى بيزنەسمەندەرى بەلسەندىلىگى جىلدان-جىلعا كۇشەيىپ وتىرۋىن ايتۋعا بولادى. ماسەلەن, ولاردىڭ «بيزنەستىڭ جول كارتاسى-2020» باعدارلاماسى اياسىندا بەرىلەتىن قايتارىمسىز گرانتتى ءوز شارۋالارىن دامىتۋ ءۇشىن ۇتىمدى قولدانا بىلۋگە ۇمتىلىستارى سونى ءدالەلدەيدى. اتالعان گرانتتىق قاراجاتتى الۋعا كونكۋرسقا قاتىسىپ, ودان قولداۋ تابۋ بويىنشا كاسىپورىندارعا يننوۆاتسيا باعىتىنداعى ەرەكشەلىكتەرىنە جانە جاڭاشىل جوبالارعا قايتارىمسىز نەگىزدە, سونداي-اق, كەپىلزاتسىز بەرىلۋى ءوندىرىس ءورىسىن جايدىرۋعا قولايلى جاعداي تۋعىزۋدا. سونى ءىسكە اسىرۋشىلاردىڭ ءبىرى كۇلشات امانقۇلوۆا جەتەكشىلىك ەتەتىن «پوليسيترول» جشس-نىڭ بەتوندى كىرپىشتەردى ءوندىرۋ كولەمىن ءبىرشاما كەڭەيتۋى كاسىپورىنعا دا, جەرگىلىكتى تۇتىنۋشىلارعا دا جاقسى قادام بولدى.
وسى ماقساتتاعى جوبالارى قولداۋ تاۋىپ, 3 ميلليون تەڭگە قايتارىمسىز گرانتىنا يە بولعان سەرىكتەستىك اۋدان ورتالىعىندا قۇرىلىسقا وتە قاجەتتى ونىمدەر شىعاراتىن كاسىپورىن جۇمىسىن جولعا قويدى. ونىڭ پايداسى بۇرىن بۇل قۇرىلىستىق ماتەريالدى الىستان تاسىمالداپ, ارتىق شىعىندالۋعا تاپ بولىپ وتىر. ءبىر جاعىنان كىرپىشتىڭ باعاسى ءتيىمدى ءارى سۋىق وتكىزبەيدى. سوندىقتان, سۇرانىس ۇلكەن. سوعان سايكەس كۇنىنە 14-16 تەكشە مەترگە دەيىن كىرپىش شىعارۋ كولەمى ودان سايىن وسە ءتۇسىپ جاتىر.
جەكە ءىستى دوڭگەلەتۋدە كۇلشات امانقۇلوۆا قۇربىسىنداي مايرا قىرباسوۆانىڭ دا قادامى قۇتتى. «ساۋىقتىرۋ ورتالىعىن» اشۋ ماقساتىندا 7 پايىزدىق جەڭىلدىكپەن 12 ميلليون 500 مىڭ تەڭگە نەسيە الىنىپ, ءتىس ەمدەۋدىڭ بارلىق قىزمەتتەرىن كورسەتەتىن ورىننىڭ قۇرىلىسى اياقتالىپ قالدى. «مۇنىمەن بىرگە مۇندا اۋىلدىق جەردەگى ءبىرىنشى ءسان سالونى جۇمىس ىستەمەك. تۇرمىس جاقسارعان, تالعام وسكەن زاماندا جەرلەستەرىمىزدىڭ بەت-الپەت, دەنە كۇتىمىنە دەگەن تىلەكتەرىن قالايشا ەسكەرمەس ەمەسپىز», دەيدى ول. اۋداننىڭ بيزنەس سالاسىنداعى جاعىمدى جاڭالىقتاردىڭ تاعى ءبىرى «جاڭاارقا متس» جوباسى ىسكە اسىرىلۋى ەكەنىن ايتپاي وتپەسكە بولمايدى. «قازاگرو» ۇلتتىق باسقارۋ حولدينگىنىڭ قولداۋى جانە «قازاگروقارجى» اق كومەگىمەن قۇرىلعان بۇل كاسىپورىن مال ازىعىن دايىنداۋ, ازىقتىق داقىلدار ءوندىرۋ, كوكتەمگى دالا جانە كۇزگى جيىن-تەرىم جۇمىستارىن جۇرگىزۋگە قىزمەت تۇرلەرىن كورسەتۋمەن شۇعىلدانادى. ەسكەنە اۋىلىندا ورنالاسقان ماشينا-تراكتور ستانساسى اينالاسىنداعى شارۋا قوجالىقتارىنىڭ 3200 گەكتار جەرىن وڭدەۋدى, 1900 گەكتارعا ءارتۇرلى داقىلدار مەن كوپجىلدىق شوپتەر ەگۋدى, 1000 گەكتار تاناپتى گەربيتسيدپەن ۋلاۋدى, 1000 گەكتارعا تىڭايتقىش شاشۋدى باستاپ كەتتى. بۇلار وسى كەيىنگى كەزدە جاڭادان جاراسىم تاپقان ىستەر. ۋاقىت تالابىنان قالماۋعا ساق, وزىق ۇردىستەردى ورىستەتۋگە قۇشتار جاڭاارقالىقتار بۇل جاعىنان ءاردايىم الدا.
ايقىن نەسىپباي, جۋرناليست.
قاراعاندى وبلىسى, جاڭاارقا اۋدانى.