جاقىندا قازاقستاننىڭ كاناداداعى ەلشىسى كونستانتين جيگالوۆ كانادالىق نيۋ-برانسۋيك پروۆينتسياسىندا ساپارمەن بولدى, دەپ حابارلادى ءسىم ءباسپاسوز قىزمەتى.
فرەدەريكتو قالاسىنا ساپارى بارىسىندا ك.جيگالوۆ پروۆينتسيانىڭ گۋبەرناتورى دجوسەلين روي ۆەنومەن كەزدەستى, سونداي- اق, نيۋ-برانسۋيك پرەمەرىنىڭ ورىنباسارى ستيۆەن حورسمەنمەن, تابيعي قورلار, ەنەرگەتيكا جانە تاۋ-كەن ءوندىرىسى مينيسترلىكتەرىنىڭ باسشىلىعىمەن, «OpportunitiesNB» اگەنتتىگىنىڭ جەتەكشىلىگىمەن, سەنت-دجون قالاسى پورتىنىڭ اكىمشىلىگىمەن جانە پروۆينتسيانىڭ باسقا دا وكىلدەرىمەن كەلىسسوزدەر جۇرگىزدى. ساپار كانادانىڭ حالىقارالىق ساۋدا-ەكونوميكالىق جانە گۋمانيتارلىق بايلانىستارىندا ماڭىزدى ءرولى بار كانادالىق پروۆينتسيالارمەن قازاقستاننىڭ ىنتىماقتاستىعىن تەرەڭدەتۋدىڭ بولاشاعى زور ەكەنىن راستادى. تاراپتار ەنەرگەتيكا, ءبىلىم بەرۋ, شاعىن جانە ورتا بيزنەس دەڭگەيىندە جاڭا ءوزارا ءتيىمدى بايلانىس ورناتۋدىڭ قاجەتتىلىگىن اتاپ ءوتتى. ەلشىلىك جاقىندا وسى ماقساتتا ەلىمىزدىڭ ەكونوميكاسىنا جاڭا ينۆەستيتسيالار تارتۋدى كوزدەگەن قازاقستانداعى ەكونوميكالىق ءمۇمكىندىكتەر تۋرالى ىسكەرلىك انىقتاما باسىپ شىعاردى. استانادا وتەتىن ەكسپو-2017 حالىقارالىق مامانداندىرىلعان كورمەسى, سونداي-اق, پرەزيدەنت نۇرسۇلتان نازارباەۆ جاريالاعان «100 ناقتى قادام» ۇلت جوسپارى نيۋ-برانسۋيك وكىلدەرىنىڭ ەلەۋلى قىزىعۋشىلىقتارىن تۋدىردى.
«ەگەمەن-اقپارات».
سۋرەت: http://kapital.kz/