قىزىلوردا. 6 تامىز. قىزىلوردا وبلىسى ىشكى ىستەر دەپارتامەنتى اكىمشىلىك پوليتسيا باسقارماسىنىڭ قىزمەتكەرلەرى قالالىق پروكۋراتۋرامەن بىرلەسە وتىرىپ, «جول قاۋىپسىزدىگىن ساقتا!» اتتى اكتسياسىن وتكىزدى. بۇل تۋرالى egemen.kz ءتىلشىسى حابارلادى.
شارانىڭ ماقساتى – جول-كولىك وقيعالارىنىڭ الدىن الۋ جانە بولدىرماۋ, جولدا قاۋىپسىزدىك ەرەجەسىن ساقتاۋعا شاقىرۋ, جول قوزعالىسىنا قاتىسۋشىلاردىڭ باسقا ادامداردىڭ ءومىرى الدىنداعى جاۋاپكەرشىلىگىن سەزىندىرە وتىرىپ, ساناسىن وزگەرتۋ, مادەنيەتىن ارتتىرۋ, الەۋەتتى قوعامدىق قولداۋ كورسەتۋ بولىپ تابىلادى.
اكتسيا بارىسىندا قالا ورتالىعىنداعى حالىق كوپ شوعىرلاناتىن جولدارمەن جول-كولىك وقيعاسىندا زارداپ شەككەن اۆتوكولىكتەردىڭ قالدىقتارىن تيەگەن اۆتوەۆاكۋاتورلار ءجۇرىپ ءوتتى. سونىمەن قاتار, دىبىس كۇشەيتكىش قۇرالدارى ارقىلى قالا تۇرعىندارى مەن جۇرگىزۋشىلەرگە جول قوزعالىسىنا قاتىسۋشىلاردىڭ ءومىرى مەن دەنساۋلىقتارىن جانە جول ءجۇرىسى ەرەجەلەرىن قاتاڭ ساقتاۋ بويىنشا اۋقىمدى تۇسىندىرمە جۇمىستارى جۇرگىزىلىپ, اۆتوكولىك جۇرگىزۋشىلەرىنە كىتاپشالار مەن جادىنامالار تاراتىلدى.
ەرجان بايتىلەس.
دەرەك: egemen.kz.
سۋرەت: mediaovd.kz.