استانا. 5 تامىز. رەسەيدىڭ كراسنودار ولكەسى گۋلكەۆيچ اۋدانىنداعى پوليتسيا بولىمشەسىنىڭ شاتىرىنان قىرىق جىل جاتقان ەر ادامنىڭ ءمايىتى تابىلدى. بۇل تۋرالى «قازاقپارات» حابارلادى.
رەسەي فەدەراتسياسى تەرگەۋ كوميتەتىنىڭ وڭىرلىك تەرگەۋ باسقارماسى اتالمىش دەرەك بويىنشا «كىسى ءولتىرۋ» بابىنا سايكەس قىلمىستىق ءىس قوزعادى. قۇقىق قورعاۋشىلار ونىڭ قالاي ولگەنىن, وسى كۇنگە دەيىن مۇردەسى نەلىكتەن تابىلماعانىن انىقتاۋعا تىرىسۋدا.
قازىر بەلگىلى بولعانى, ەر ادام 38-40 جىل بۇرىن كوز جۇمعان. ونىڭ قالاي قايتىس بولعانى, كىم ەكەنى ازىرگە انىقتالعان جوق, – دەپ مالىمدەدى ولكەلىك تەرگەۋ باسقارماسى باسشىسىنىڭ اعا كومەكشىسى ناتاليا سمياتسكايا.
سونىمەن قاتار, ىشكى ىستەر باسقارماسى قىزمەتكەرلەرىنىڭ بۇل ىسكە قاينداي دا ءبىر قاتىستىلىعىنىڭ بار-جوعى ازىرگە انىقتالمادى.
ايدار ورىسباەۆ.
دەرەك: «قازاقپارات».
سۋرەت: bloknot-krasnodar.ru.