استانا. 5 تامىز. «قازمەديا ورتالىعى» باسقارۋشى كومپانياسىنا» باس ديرەكتور بولىپ ميربولات ايۋپوۆ تاعايىندالدى. بۇل تۋرالى كومپانيانىڭ ءباسپاسوز قىزمەتى حابارلادى.
مەيىربولات حايراتوۆيچ 1963 جىلدىڭ 26 تامىزىندا قاراعاندىدا تۋعان. ماسكەۋ ينجەنەرلىك-فيزيكالىق ينستيتۋتىنىڭ كيبەرنەتيكا فاكۋلتەتىن قولدانبالى ماتەماتيكا ماماندىعى بويىنشا, سونداي-اق, قاراعاندى ەكونوميكالىق ۋنيۆەرسيتەتىن قارجى جانە كرەديت مامانداعى بويىنشا بىتىرگەن.
بۇعان دەيىن ول «التەل» اق ۆيتسە-پرەزيدەنتى (2005-2007 جج.), «ترانستەلەكوم» كومپانياسىنىڭ پرەزيدەنتى (2009-2012 جج.), 2012-جىلدان باستاپ ءموبيلدى بايلانىس بويىنشا «قازاقتەلەكوم» اق باسقارۋشى ديرەكتورى قىزمەتتەرىن اتقاردى. ال جاڭا قىزمەتىنىڭ الدىندا «زەردە» ۇلتتىق اقپاراتتىق-كوممۋنيكاتسيالىق حولدينگى» اق-تىڭ باسقارما توراعاسى بولدى.
«قازمەديا ورتالىعىنىڭ» وسىعان دەيىنگى باس ديرەكتورى مەيىر ەسكەندىروۆ ءوز ەركىمەن قىزمەتىنەن بوساتىلدى.
ەلامان قوڭىر.
دەرەك, سۋرەت: «قازمەديا ورتالىعىنىڭ» ءباسپاسوز قىزمەتى.