قوستاناي. 5 تامىز. رەسەيدىڭ چەليابى وبلىسى ۋۆەلسكي اۋدانىندا Hyundai H1 مەن ۆاز-2108 اۆتوكولىكتەرى سوقتىعىسىپ, ەكى كولىكتىڭ دە جۇرگىزۋشىلەرى وقيعا ورنىندا قازا تاپتى. بۇل تۋرالى alau.kz سايتىنا سىلتەمە جاساعان egemen.kz ءتىلشىسى حابارلادى.
ميكرواۆتوبۋستاعى 18 جاستاعى جولاۋشى قىز ءتۇرلى جاراقاتپەن يۋجنەۋرالسك قالالىق اۋرۋحاناسىنا ءتۇستى.
جول اپاتى چەليابى-ترويتسك تاس جولىنىڭ 70-شاقىرىمىندا تىركەلدى. چەليابى وبلىستىق ىشكى ىستەر مينيسترلىگى ءباسپاسوز قىزمەتىنىڭ حابارلاۋىنشا, قازاقستاندىق ميكرواۆتوبۋستىڭ 60 جاستاعى جۇرگىزۋشىسى قارسى بەتكە شىعىپ كەتىپ, 31 جاستاعى رەسەيلىك باسقارىپ كەلە جاتقان ۆاز-2108 كولىگىنە سوقتىعىسقان. سوققىنىڭ كۇشتىلىگى سونداي ۆاز-2108 ماشيناسى بۇكتەلىپ قالدى, ميكرواۆتوبۋس باعىتىن وزگەرتىپ, جول شەتىنە شىعىپ اۋناپ تۇسكەن.
ءنازيرا جارىمبەتوۆا.
دەرەك, سۋرەت: alau.kz.