باس باسىلىمنىڭ قاراعاندى وبلىسى بويىنشا 18 جىلعا جۋىق مەنشىكتى ءتىلشىسى قىزمەتىن اتقارعان ايقىن نەسىپبايدى ارىپتەستەرى قاشاندا كاسىبىنە ادالدىعى, قاراپايىمدىلىعى مەن شىعارماشىلىق شىنايىلىعى ءۇشىن قۇرمەت تۇتادى.
كەشە ءجۋرناليستىڭ زەينەت دەمالىسىنا شىعۋ قۇرمەتىنە ۇيىمداستىرىلعان شارادا «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆ ءتىلشىنىڭ ەڭبەك جولى تۋرالى تەبىرەنىسكە تولى ادەمى پىكىرلەر ايتتى. باسىلىم باسشىسى ءسوزىنىڭ سوڭىندا ارقانىڭ القاسى اتانعان قارقارالى, اقتوعاي, بالقاش سىندى تابيعاتى تامىلجىعان وڭىرلەردىڭ كوركەمدىگىن مولدىرەتە بايانداپ, سوزبەن سۋرەت سالا بىلگەن قالام يەسىنە شىعارماشىلىق تابىستار تىلەدى. ەسكە سالا كەتەيىك, ايقىن نەسىپباي «ەگەمەن قازاقستان» گازەتىنىڭ مەنشىكتى تىلشىلىگىنە 1997 جىلى قاراعاندى وبلىستىق «ورتالىق قازاقستان» گازەتىنىڭ ءبولىم مەڭگەرۋشىسى قىزمەتىنەن اۋىسقان بولاتىن. سودان بەرگى ارالىقتا ارىپتەسىمىز ءوڭىردىڭ ەكونوميكاسى مەن الەۋمەتتىك ماسەلەلەرى تۋرالى, سونداي-اق, مادەني دامۋىنداعى جەتىستىكتەر جايىندا مازمۇندى دا كوكەيكەستى ءارى وتكىر ماقالالار جاريالاپ, جىلت ەتكەن جاڭالىقتىڭ جارشىسى بولا ءبىلدى. ۇجىمدا ءاردايىم سىيلى, ابىرويلى, كىشىپەيىل قالپىمەن ەرەكشەلەنگەن تىلشىگە ەگەمەنقازاقستاندىقتار جىلى تىلەكتەرىن جەتكىزىپ, سالتاناتتى جاعدايدا زەينەت دەمالىسىنا شىعارىپ سالدى. رەداكتسيا قىزمەتكەرلەرى بەلگىلى جۋرناليسكە مىقتى دەنساۋلىق, وتباسىنا باياندى باقىت تىلەدى.
«ەگەمەن-اقپارات».