كوكشەتاۋ. 19 ناۋرىز. ناۋرىز مەرەكەسى قارساڭىندا اقمولا وبلىسىنىڭ اكىمى سەرگەي كۋلاگين مەن «قازاقستاننىڭ يپوتەكالىق كومپانياسى» اق باسقارۋشى ديرەكتورى اسحات اقچۋريننىڭ قاتىسۋىمەن الەۋمەتتىك تۇرعىن ءۇيدى جالعا بەرۋ باعدارلاماسى اياسىندا سالىنعان «جانسايا» تۇرعىن ءۇي كەشەنىندە جاڭا پاتەرلەردىڭ كىلتتەرىن تاپسىرۋ سالتاناتى وتكىزىلدى. بۇل تۋرالى egemen.kz ءتىلشىسى حابارلادى.
ءوڭىر باسشىسى سەرگەي كۋلاگين, «بايتەرەك» ۇلتتىق باسقارۋشى حولدينگى» اق دەپارتامەنت باسشىسى قانات ىبىراەۆ قۋانىش يەلەرىن قۇتتىقتاۋ سوزىندە پرەزيدەنت نۇرسۇلتان نازارباەۆتىڭ قازاقستان حالقىنا ارناعان «نۇرلى جول – بولاشاققا باستار جول» جولداۋىندا الەۋمەتتىك تۇرعىن ۇيلەردى جالعا بەرۋ قۇرىلىسىنا كوزقاراستى وزگەرتۋ, ونىڭ قولجەتىمدىلىگى مەن اشىقتىعىن قامتاماسىز ەتۋ, تۇرعىندارعا ساتىپ الۋ قۇقىعىن بەرە وتىرىپ, ۇزاق مەرزىمدى تومەنگى پايىزدىق جۇيەنى ەنگىزۋدى تاپسىرعانىن اتاپ كورسەتتى. وڭىرلەردى دامىتۋدىڭ 2020 جىلعا دەيىنگى باعدارلاماسىنىڭ شاراپاتى رەتىندە اسەم تۇرعىن ءۇي كەشەنىندە 19,5 مىڭ شارشى مەترلىك 337 پاتەردىڭ كىلتى تاپسىرىلدى. مۇنىڭ ءوزى يگى باستامانىڭ جالعاسىن تابا بەرەتىنىن دالەلدەيدى.
كوكشەتاۋ تاريحىندا ءبىر مەزەتتە 337 وتباسىنىڭ قونىس قۋانىشى بولىپ كورمەگەن.
باقبەرگەن امالبەك.
دەرەك, سۋرەت: egemen.kz.