پەتروپاۆل. 22 ماۋسىم. قىزىلجار وڭىرىندە پوليتسيا قىزمەتكەرلەرى كۇنى مەن «دينامو» دەنەشىنىقتىرۋ-سپورت قوعامىنىڭ 90 جىلدىعىنا وراي ۇيىمداستىرىلعان شاراعا وبلىس اكىمى ەرىك سۇلتانوۆ, لوندون وليمپياداسىنىڭ چەمپيونى الەكساندر ۆينوكۋروۆ, «دينامو» ورتالىق دەنەشىنىقتىرۋ-سپورت قوعامى توراعاسىنىڭ ءبىرىنشى ورىنباسارى اسقار ومارقۇلوۆ, ىشكى ىستەر سالاسىنىڭ جەكە قۇرامى مەن ارداگەرلەر, جاستار قاتىستى. بۇل تۋرالى وبلىستىق ءىىد-ءنىڭ ءباسپاسوز قىزمەتى حابارلادى.
سالتاناتتى راسىمدە قوعامدىق ءتارتىپتى قىراعىلىقپەن قورعاۋداعى زور ۇلەستەرى ءۇشىن 15 پوليتسەي ىشكى ىستەر ءمينيسترى ق. قاسىموۆتىڭ, 14 پوليتسەي وبلىس اكىمىنىڭ, 60 پوليتسەي وبلىستىق ىشكى ىستەر دەپارتامەنتىنىڭ باسشىسى, گەنەرال-مايور بەرىك ءبىلالوۆتىڭ ماراپاتتارىنا يە بولدى.
قالا اكىمى اتىنان ءبىر توپ قىزمەتكەرگە اقشالاي جانە باعالى سىيلىقتار تابىس ەتىلدى.
«مەنىڭ پوليتسيام» تاقىرىبىنا جازىلعان وقۋشىلاردىڭ شىعارماشىلىق كونكۋرسىنىڭ قورىتىندىسى شىعارىلدى.
وسى كۇنى كۇشتىك قۇرىلىمداردىڭ 25 كومانداسى اراسىندا وتكەن جازعى سپارتاكيادانىڭ فينالىندا جەڭىمپازدار بەلگىلى بولدى.
سالتاناتتى شارالار ىشكى ىستەر سالاسى كوركەمونەرپازدارىنىڭ كونتسەرتتىك باعدارلاماسىنا ۇلاستى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق ءىىد-ءنىڭ ءباسپاسوز قىزمەتى.