استانا. 19 ناۋرىز. ماڭعىستاۋ وبلىستىق سوتىنىڭ توراعاسى بولىپ جاقسىلىق رزابەك ۇلى الانوۆ تاعايىندالدى. بۇل تۋرالى وبلىستىق سوتتىڭ ءباسپاسوز قىزمەتى حابارلادى.
جاڭا باسشىنى جوعارعى سوتتىڭ ازاماتتىق جانە اكىمشىلىك ىستەر جونىندەگى قاداعالاۋشى سوت القاسىنىڭ توراعاسى ەلىس نۇرقاسىم ۇلى ابدىقادىروۆ تانىستىردى. شاراعا ماڭعىستاۋ وبلىسىنىڭ سوت كورپۋسى, وبلىس اكىمىنىڭ ءبىرىنشى ورىنباسارى سۇيىندىك الداشەۆ, وبلىستىق ءماسليحات حاتشىسى بەكمۇرات ءجۇسىپوۆ, وڭىردەگى قۇقىق قورعاۋ جانە باسقا دا سالالاردىڭ باسشىلارى مەن وكىلدەرى قاتىستى.
جوعارعى سوتتىڭ ازاماتتىق جانە اكىمشىلىك ىستەر جونىندەگى قاداعالاۋشى سوت القاسىنىڭ توراعاسى ەلىس نۇرقاسىم ۇلى جينالعانداردى جاڭا توراعانىڭ ومىربايانىمەن تانىستىردى.
ج.الانوۆ ءار جىلدارى باتىس قازاقستان, اتىراۋ وبلىستىق سوتتارىندا سۋديا, القا توراعاسى, سوت توراعاسى قىزمەتتەرىن اتقارعان, سونداي-اق جوعارعى سوتتىڭ سۋدياسى بولعان. وسى تاعايىنداۋعا دەيىن استانا قالالىق سوتىندا سۋديا قىزمەتىن اتقاردى, بۇگىنگە دەيىنگى سوت جۇيەسىندەگى ەڭبەك ءوتىلى 20 جىلعا جۋىقتايدى.
بۇعان دەيىن وبلىستىق سوتتىڭ توراعاسى قىزمەتىن اتقارىپ كەلگەن دوسجان سارمانقۇل ۇلى ءامىروۆ شىعىس قازاقستان وبلىستىق سوتىنا توراعا بولىپ تاعايىندالدى. ماڭعىستاۋ وبلىسى اكىمىنىڭ ورىنباسارى س.الداشەۆ وعان ايماق باسشىسىنىڭ العىس حاتىن تاپسىردى.
جولدىباي بازار.
دەرەك, سۋرەت: ماڭعىستاۋ وبلىستىق سوتىنىڭ ءباسپاسوز قىزمەتى.