استانا. 22 ماۋسىم. پاۆلوداردا پوليتسەيدى تابەلدىك قارۋى ءۇشىن ءولتىرىلدى. بۇل تۋرالى Tengrinews.kz حابارلادى.
وسى وقيعاعا قاتىستى كۇدىكتى كوپ ۇزاماي ۇستالدى. ۇستاۋ بارىسىندا ونىڭ كىسى ولتىرگەن پىشاعى, قان تيگەن كيىمىن تاركىلەندى. ول جامبىل وبلىسىنىڭ 1982 جىلعى تۋماسى بولىپ شىقتى.
وبلىستىق ىشكى ىستەر دەپارتامەنتىنىڭ باستىعى مارات قوجاەۆتىڭ ءباسپاسوز ءماسليحاتىندا ءمالىم ەتكەنىندەي, كۇدىكتى ءوز كىناسىن مويىنداعان. ول ءوزىنىڭ بۇل ارەكەتىن پوليتسەيدىڭ تابەلدىك قارۋىن العىسى كەلگەندىگىمەن تۇسىندىرگەن.
كۇدىكتىنى ۇستاۋعا جەرگىلىكتى تۇرعىنداردىڭ كومەكتەسكەن. ۆيدەوباقىلاۋ كامەرالارىندا بەكىنىس بەكەتىنەن ءبىر ادامنىڭ قاشىپ بارا جاتقانىن كورىنەدى. تەكسەرىس كەزىندە كۇدىكتىنىڭ قاشىپ كىرگەن پاتەرى انىقتالدى. بۇل پاتەردە ونىڭ تۋىستارى تۇرىپ جاتقان, ولار ءوز كەزەگىندە كۇدىكتىنىڭ پاتەرگە جۇگىرىپ كىرگەنىن جانە كيىمىن اۋىستىرىپ, قايتا كەتكەنىن ايتىپ بەردى. تۋىستارى پوليتسياعا كومەك كورسەتتى.
قوجاەۆ بۇل وقيعانىڭ ءمان-جايىن ايتىپ بەردى. وبلىستىق ىشكى ىستەري دەپارتامەنتى باسشىسىنىڭ ايتۋىنشا, كۇدىكتى پوليتسيانىڭ بەكىنىس بەكەتىنە كەلىپ, ءتارتىپ ساقشىسىنىڭ كەۋدەسىنە مەن موينىنا بىرنەشە رەت پىشاق سالعان. ولگەن پوليتسەيدىڭ تابەلدىك قارۋى بولماعان. سونىمەن قاتار, كەزەكشىلىكتە ەكى ادامنىڭ بولاتىنى, الايدا, وقيعا بولعان كۇنى ولاردىڭ ءبىرىنىڭ شاقىرتۋعا كەتىپ قالعانى انىقتالدى.
قازا بولعان ادام پاۆلودار قالالىق ىشكى ىستەر باسقارماسىنىڭ ورتالىق ءبولىمىنىڭ ۋچاسكەلىك ينسپەكتورىنىڭ كومەكشىسى, اعا لەيتەنانت ارلي حارلي نەحاروۆيچ, 1985 جىلى تۋعان. 2009 جىلدان بەرى پوليتسيا قىزمەتكەرى. ونىڭ سوڭىندا ءبىر قىزى قالدى.
تالعات رايىمبەك.
دەرەك: Tengrinews.kz.