كەشە ابىلعازى قالياقپار ۇلى قۇسايىنوۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋ ماسەلەسى جونىندە ورتالىق سايلاۋ كوميسسياسىنىڭ وتىرىسى ءوتتى, دەپ حابارلادى ورتالىق سايلاۋ كوميسسياسىنىڭ ءباسپاسوز قىزمەتى.
ورتالىق سايلاۋ كوميسسياسىنا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 59-بابى 6-تارماعىنا سايكەس مىناداي قۇجاتتار ۇسىنىلدى:
ءا.ق.قۇسايىنوۆتىڭ قازاقستان رەسپۋبليكاسىنىڭ پرەزيدەنتتىگىنە كانديدات رەتىندە داۋىسقا ءتۇسۋ نيەتى تۋرالى ءوتىنىشى;
ءا.ق.قۇسايىنوۆتىڭ ومىرباياندىق دەرەكتەرى;
ءا.ق.قۇسايىنوۆتى قولداپ جينالعان ازاماتتاردىڭ قولدارىن تەكسەرۋ ناتيجەلەرى تۋرالى اۋماقتىق سايلاۋ كوميسسيالارىنىڭ حاتتامالارى;
كانديدات پەن ونىڭ زايىبىنىڭ تابىسى جانە مۇلكى تۋرالى دەكلاراتسيا تاپسىرعانى تۋرالى سالىق ورگانىنىڭ انىقتاماسى;
كانديداتتىڭ سايلاۋ جارناسىن ەنگiزگەنiن كۋالاندىراتىن قۇجات.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 56-بابى 2-تارماعىنا سايكەس پرەزيدەنتتiككە كانديداتتى رەسپۋبليكا وبلىستارىنىڭ, رەسپۋبليكالىق ماڭىزى بار قالاسىنىڭ جانە استاناسىنىڭ كەمىندە ۇشتەن ەكiسiنiڭ اتىنان تەڭدەي وكiلدiك ەتەتiن سايلاۋشىلاردىڭ جالپى سانىنىڭ كەمىندە بiر پايىزى قولداۋعا تيiس. ءا.ق. قۇسايىنوۆتىڭ كانديداتۋراسىن قولداپ سايلاۋشىلاردىڭ 132 152 راس قولى جينالدى.
ۇسىنىلعان قۇجاتتاردى قاراپ, قازاقستان رەسپۋبليكاسى ورتالىق سايلاۋ كوميسسياسى ابىلعازى قالياقپار ۇلى قۇسايىنوۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋ تۋرالى شەشىم قابىلدادى.
* * *
سونداي-اق, كەشە ورتالىق سايلاۋ كوميسسياسىنىڭ وتىرىسى بولدى. وندا حاسەن كارىمجان ۇلى قوجا-احمەتتىڭ قازاقستان رەسپۋبليكاسىنىڭ كونستيتۋتسياسى مەن «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا قازاقستان رەسپۋبليكاسىنىڭ پرەزيدەنتتىگىنە كانديداتتارعا قويىلاتىن تالاپتارعا سايكەستىگىن بەلگىلەۋ جانە وعان كانديداتۋراسىن قولداپ قولدار جيناۋ ءۇشىن قول قويۋ پاراقتارىن بەرۋ تۋرالى قاۋلى قابىلداندى.
پرەزيدەنتتىككە كانديداتتى قولداپ قولدار جيناۋدى سەنىم بىلدىرىلگەن ادامدار ۇيىمداستىرادى. قولداردى جينايتىن توپتاردىڭ سانى مەن قۇرامىنا شەك قويىلمايدى. پرەزيدەنتتىككە كانديداتتى قولداپ تولتىرىلعان قول قويۋ پاراقتارى اۋماقتىق سايلاۋ كوميسسيالارىنا تاپسىرىلادى, ولار بەس كۇن مەرزىم ىشىندە پاسپورت قىزمەتىنىڭ قىزمەتكەرلەرىن قاتىستىرا وتىرىپ, قويىلعان قولداردىڭ راستىعىن تەكسەرۋدى جۇزەگە اسىرادى, ءتيىستى حاتتامانى رەسىمدەيدى جانە ونى ورتالىق سايلاۋ كوميسسياسىنا جولدايدى.
«ەگەمەن-اقپارات».