ورال. 14 اقپان. ورال قالاسىنداعى «زەنيت» زاۋىتى جانە «گيدروپريبور» عىلىمي زەرتتەۋ ينستيتۋتى تمد اۋقىمىندا بالاماسى جوق, اسكەري جانە ازاماتتىق ماقساتتارعا قىزمەت كورسەتەتىن روبوتتاردى شىعارۋ ىسىمەن اينالىسىپ كەلەدى. بۇل تۋرالى egemen.kz ءتىلشىسى حابارلادى.
بۇگىنگى كۇنى قازاقستاندىق كونسترۋكتورلارمەن بىرلەسىپ جۇمىس ىستەۋگە فرانتسيانىڭ ەسا Robotus كومپانياسى ۇلكەن ىقىلاس تانىتىپ وتىر. ءسويتىپ وسى ورايدا ولار ارنايى كەلىسىمگە كەلدى. وسى كومپانيانىڭ بيزنەس-مەنەدجەرى وليۆە ماگرەنىڭ مالىمدەۋىنشە, قازاقستاندا فرانتسيالىقتاردىڭ جوبالارىنا قانات بىتىرە الاتىن سونى سالانىڭ جىلىك مايىن شاعىپ ىشكەن بىلىكتى ماماندار بار.
تۇتاستاي العاندا, ورالداعى اتالعان قۇرىلىمدار ەلىمىز قارۋلى كۇشتەرىنىڭ تاپسىرىسىنا ساي روبوت تەحنيكالارمەن شاعىن كاتەرلەر جانە سۋ استىنداعى مۇناي گاز قۇبىرلارىنا قاجەتتى قۇرال جابدىقتار شىعارادى. ءدال وسىنداي جۇمىس اۋقىمى الداعى ءۇش جىلدىڭ ىشىندە دە بولاتىنى بەلگىلى بولىپ وتىر. «ءبىرىنشى كەزەكتە بۇل ايرىقشا وتاندىق ونىمدەر ەلىمىزدىڭ قارۋلى كۇشتەرىنە ارنالىپ شىعارىلماق», – دەپ مالىمدەدى اسكەري تەڭىز كۇشتەرى باس قولباسشىسى, كونتر-ادميرال جانداربەك جانۇزاقوۆ egemen.kz تىلشىسىنە.
قازىر قازاقستان-فرانتسۋز تاراپتارى ءوز سۇرانىستارىن وتەگەننەن كەيىن روبوت تەحنيكالاردى تمد جانە ورتا ازيا ەلدەرىنە ەكسپورتقا شىعارۋدى ۇيعارعان.
تەمىر قۇسايىن.
دەرەك: egemen.kz.
سۋرەت: uralsk.info.