اپتانىڭ ەكىنشى كۇنى «سامۇرىق-قازىنا» ۇاق» اق باسقارما توراعاسى ومىرزاق شوكەەۆ پەن «قازاقستان تەمىر جولى» ۇك» اق پرەزيدەنتى اسقار مامين جانە The Boston Consulting Group كەڭەسشىلەرىنىڭ قاتىسۋىمەن وتكەن وتىرىستا «قتج» ۇك» اق-تىڭ ستراتەگيالىق ماڭىزدى جۇمىس كورسەتكىشتەرى اڭگىمە وزەگىنە اينالدى. سونداي-اق, بيزنەستى ترانسفورماتسيالاۋ اياسىندا كومپانيانى ءتيىمدى باسقارۋدىڭ جاڭا جۇيەسى دە كەڭىنەن تالقىلاندى.
وتىرىس بارىسىندا «قازاقستان تەمىر جولى» ۇك» اق قىزمەتىندەگى ماڭىزدى جۇمىستاردى مۇلتىكسىز اتقارا وتىرىپ, پايدالى جۇمىس كوەففيتسيەنتىن جاساقتاۋ ارقىلى تاپسىرىس يەلەرىنىڭ سۇرانىسىن قاناعاتتاندىرۋ شاراسى ماماندار نازارىندا بولدى. ءسويتىپ, جولاۋشىلار مەن جۇك جونەلتۋشىلەردىڭ جانە ەكسپەديتورلارعا قولايلى جاعداي جاساپ, قوزعالىس قىزمەتىنىڭ قاۋىپسىزدىگىن جاقسارتىپ, ءتۇرلى ءتيىمدى ادىستەر ارقىلى شىعىنداردى ازايتا بەرۋ ماسەلەسى قارالدى.
كەلەلى كەڭەستە پايدالى جۇمىس كوەففيتسيەنتىنە نەگىزدەلگەن تيىمدىلىكتى باسقارۋدىڭ جاڭا جۇيەسى كومپانيانىڭ جۇمىسىن ورتاق ماقساتقا جۇمىلدىرادى دەگەن ءۇمىت زور ەكەندىگى ايتىلدى. مۇنىمەن بىرگە, وندىرىستىك تيىمدىلىكتى بارىنشا جوعارى دەڭگەيدە پايدالانا وتىرىپ, وندىرىستىك ۇدەرىستەردى باسقارۋ مەن شىعىنداردى ازايتۋ, سونداي-اق, سۇرانىس يەلەرىنىڭ تاپسىرىسىنا بەيىمدەلۋدى كوزدەيتىن يگى شارالار العا شىقتى.
وندا ءاربىر ەڭبەككەردىڭ پايدالى جۇمىس كوەففيتسيەنتى كومپانيانىڭ ستراتەگياسىن ءتيىمدى اتقارۋعا قىزمەت ەتەدى. مۇنداي ناتيجەلى كورسەتكىشكە جەكە تۇلعا رەتىندە دە جانە ۇجىمدىق ۇيىسۋمەن دە جەتۋ ماڭىزدى. سەبەبى, وسى كورسەتكىشتەردىڭ ناتيجەسى عانا كومپانيانىڭ جاڭا جۇيەدە تابىسقا جەتۋىنە تىكەلەي بايلانىستى. «قتج» ۇك» اق-تىڭ 2020 جىلعا دەيىنگى ستراتەگيالىق دامۋ باعدارلاماسىنا بايلانىستى كومپانيا دارا اكتسيونەرىنىڭ تالاپتارىن ورىنداي وتىرىپ, بيزنەستى جۇرگىزۋدىڭ الەمدىك ۇزدىك تاجىريبەلەرىن مەڭگەردى. سونىڭ ارقاسىندا, قازاقستاننىڭ تيىمدىلىگى اسا جوعارى ترانسۇلتتىق كورپوراتسياسىنا اينالۋى ءتيىس.
ۇلتتىق كومپانيانىڭ جاڭا پايدالى جۇمىس كوەففيتسيەنتىنە كوشۋى تاپسىرىس يەلەرىنە بارىنشا ساپالى قىزمەت كورسەتۋگە باعىتتالىپ, تۇتىنۋشىلارعا بارلىق ىڭعايلىلىقتى جاساۋعا ۇلكەن ماڭىز بەرىپ وتىر. ءناتيجەسىندە, «قتج» ۇك» اق-تىڭ باسقارۋ تيىمدىلىگى جاقسارادى. ال ونىڭ اكتسيونەرى بولىپ تابىلاتىن «سامۇرىق-قازىنا» ۇاق» اق ءۇشىن دە جاڭا جۇيە كوپ پايدا اكەلەدى. اتاپ ايتقاندا, ءىرى ەنشىلەس كاسىپورنىنىڭ اكتيۆ قۇنى اجەپتاۋىر كوتەرىلەدى. ساپالى, ۋاقىتىندا جانە قاۋىپسىز كولىكتىك-لوگيستيكالىق قىزمەت كورسەتۋ ارقىلى مەملەكەتتىڭ ەكونوميكالىق دامۋىنا قولداۋ كورسەتىلەدى.
القالى جيىنعا قاتىسۋشىلار اراسىندا اتالمىش جاڭا جۇيەگە بايلانىستى قىزۋ تالقىلاۋلار ۇزاققا جالعاستى. ءاربىر كورسەتكىشتەر تەمىرجولشىلار مەن ساراپشىلار تاراپىنان جان-جاقتى تالدانىپ, ءار تۇسى تەرەڭ زەردەلەندى. اتقارىلعان جۇمىستاردىڭ قورىتىندىسىنا «سامۇرىق-قازىنا» ۇاق» اق باسقارما توراعاسى ءو.شوكەەۆ پەن «قتج» ۇك» اق پرەزيدەنتى ا.مامين كەڭىنەن توقتالىپ, جاڭا جۇيەنى ەنگىزۋدەگى جۇمىستاردىڭ ورىندالۋ بارىسى ۇنەمى نازاردا بولاتىندىعىن ايتتى.
نۇرباي ەلمۇراتوۆ,
«ەگەمەن قازاقستان».