استانا. 14 اقپان. رەسەي پرەزيدەنتى ۆلاديمير پۋتين مينسكىدەگى كەلىسسوز بارىسىندا ءوزىن وتە كۇشتى بىتىمگەر رەتىندە تانىتتى. بۇل تۋرالى ۋكراين پرەزيدەنتى اكىمشىلىگى باسشىسىنىڭ ورىنباسارى ۆالەري چالىيدىڭ سوزىنە سىلتەمە جاساعان رت ءتىلشىسى حابارلادى.
«نورماند تورتتىگىنىڭ» مۇشەلەرى – پۋتين, وللاند, مەركەل جانە پوروشەنكو كەزدەسۋىنىڭ قورىتىندىسى مينسك كەلىسىمىنە قول قويۋعا جەتكىزدى.
وسىعان بايلانىستى ۋكراينا پرەزيدەنتى اكىمشىلىگى باسشىسىنىڭ ورىنباسارى ۆالەري چالىي رەسەي مەملەكەتىنىڭ پرەزيدەنتى ۆلاديمير ءپۋتيندى «وتە كۇشتى بىتىمگەر» دەپ اتادى. بۇعان ناقتى ايعاق رەتىندە ۆلاديمير ءۆلاديميروۆيچتىڭ «نورماند تورتتىگىنىڭ» كەلىسسوزىندە دونباستاعى ءبىتىم تۋرالى كەلىسىمنىڭ پايدا بولۋىنا وراسان زور ەڭبەك سىڭىرگەنىن العا تارتادى.
«ۆلاديمير پۋتين بۇل قۇجاتتاردىڭ ءاربىر ءسوزىن ەلەكتەن وتكىزىپ وتىردى. مۇنداعى ءاربىر ءسوز – سونىڭ كۇرەسپەن جەڭىپ العان سوزدەرى. ءبىز قالاي دەسەك تە, ول – وتە كۇشتى ءبىتىمشى. وتە كۇشتى», - دەدى ۆالەري چالىي ۋكرايننىڭ Politnavigator پورتالىنىڭ كۋالىك ەتۋىنشە.
ەسكە سالا كەتەيىك, ۋكراينانىڭ شىعىسىنداعى شيەلەنىستى رەتتەۋ جونىندەگى كەلىسسوزگە رەسەي, گفر, فرانتسيا جانە ۋكراينا ليدەرلەرى ۆلاديمير پۋتين, انگەلا مەركەل, فرانسۋا وللاند جانە پەتر پوروشەنكو قاتىستى. اقپاننىڭ 11-ءى كۇنى كەشكە باستالىپ, 12-سىندە ءتۇس اۋا اياقتالعان بۇل كەلىسسوز 16 ساعاتتان ارتىق ۋاقىتقا سوزىلدى.
«نورماند تورتتىگى» كەزدەسۋىنىڭ تاعى ءبىر ناقتى ناتيجەسى دونەتسك جانە لۋگانسك حالىق رەسپۋبليكالارى باسشىلارى مەن ەىقۇ وكىلدەرىنىڭ دونباسس تەرريتورياسىندا ءبىتىم جاساسۋ تۋرالى كەلىسىمگە قول قويۋلارى بولدى. مينسك كەلىسىمىنىڭ باستى تابىستارىنىڭ ءبىرى 15 اقپان كۇنى تۇندە, ساعات 00:00-دەن باستاپ ەكى جاقتىڭ اتىستى توقتاتۋلارى, اۋىر تەحنيكالاردى الىپ كەتۋلەرى جانە دەميليتيزاتسيالىق ايماق جاساۋ, سول سياقتى «بارلىق دەڭگەيدەگى» تۇتقىنداردى الماسۋلارى مەن ۇرىس قيمىلدارىنا قاتىسقاندارعا راقىمشىلىق بەرۋ تۋرالى ۇيعارىمدار بولدى.
مۇرات ايتقوجا.
دەرەك, سۋرەت:russian.rt.