استانا. 14 اقپان. كەشە, جۇما كۇننىڭ كەشىندە لوندون بيرجاسىندا Brent ماركالى مۇناي باررەلىنىڭ باعاسى 61,33 دوللارعا دەيىن كوتەرىلدى. بۇل تۋرالى «ارگۋمەنتى ي فاكتى» حابارلادى.
وسىمەن ءبىر مەزگىلدە نيۋ-يورك بيرجاسىندا WTI ماركالى مۇناي باررەلىنىڭ ناۋرىز ايىنداعى فيۋچەرسىنىڭ باعاسى 52,90 دوللارعا دەيىن جەتتى. مۇنىڭ الدىندا Brent $51,43 ماركاسىنىڭ ارالاسى باررەلىنە $57,05 بولعان ەدى. سول سياقتى WTI ماركاسىنىڭ باررەلى $51,43 شاماسىندا ساۋداعا تۇسكەن.
اناليتيكتەر الەم رىنوگىنداعى باعانىڭ بۇلايشا جوعارى كوتەرىلۋىنە وسى اپتادا اقش-تا ۇڭعىما قوندىرعىلارى سانىنىڭ قىسقارۋى اسەر ەتكەنىن ايتىپ وتىر. وتكەن اپتانىڭ قورىتىندىسى بويىنشا ولاردىڭ سانى 87-گە جەتتى. ال وسى اپتاداعىلاردىڭ سانى جونىندەگى اقپار ەندى جاريالانادى. شاماسى, قىسقارۋ جالعاسا بەرەتىن سياقتى. وسى مۇناي باعاسىنىڭ كوتەرىلە تۇسۋىنە سەبەپكەر بولادى.
دەگەنمەن, الەم رىنوگىندا وسى كەزگە دەيىن جينالىپ قالعان ارتىق باررەلدەر ءالى كوپكە دەيىن مۇناي باعاسىنىڭ كۇرت جوعارى كوتەرىلىپ كەتۋىنە كەدەرگى كەلتىرە بەرەتىن سياقتى.
مۇرات ايتقوجا.
دەرەك, سۋرەت: ارگۋمەنتى ي فاكتى.