ەلباسى گەرمانيا فەدەرالدىق كانتسلەرى انگەلا مەركەلمەن تەلەفون ارقىلى سويلەستى, دەپ حابارلادى پرەزيدەنتتىڭ ءباسپاسوز قىزمەتى.
نۇرسۇلتان نازارباەۆ پەن انگەلا مەركەل رەسەي, ۋكراينا, فرانتسيا پرەزيدەنتتەرىنىڭ جانە گەرمانيا كانتسلەرىنىڭ مينسكىدە «نورماند پىشىمىندە» وتكەن كەلىسسوزدەرىنىڭ قورىتىندىسى تۋرالى سويلەستى.
مەملەكەت باسشىسى مينسك كەزدەسۋىنىڭ تابىستى اياقتالۋىنا فەدەرالدىق كانتسلەردىڭ قوماقتى ۇلەس قوسقانىن اتاپ ءوتتى.
ا.مەركەل ۋكراينانىڭ وڭتۇستىك-شىعىسىنداعى قاقتىعىستى بەيبىت رەتتەۋ ۇدەرىسىن ىلگەرىلەتۋدەگى نۇرسۇلتان نازارباەۆتىڭ كۇش-جىگەرىنىڭ ماڭىزدىلىعىنا توقتالدى جانە «نورماند تورتتىگىنىڭ» كەزدەسۋىن استانادا وتكىزۋ مۇمكىندىگىن اتاي وتىرىپ, وسى ماڭىزدى جۇمىستى جالعاستىرۋدى ءوتىندى.
مەملەكەت باسشىلارى بارلىق تاراپتىڭ بەيبىت ۇدەرىستى قامتاماسىز ەتۋگە جۇمساعان كۇش-جىگەرى ۋكرايناداعى داعدارىستى رەتتەۋگە سەپتىگىن تيگىزەدى دەپ ۇمىتتەنەتىندەرىن ايتتى.
سونداي-اق تاراپتار قازاقستان-گەرمانيا ىنتىماقتاستىعىنىڭ دەڭگەيى جوعارى ەكەنىن قاناعاتتانۋشىلىقپەن اتاپ ءوتتى.
تەلەفون ارقىلى سويلەسۋگە گەرمانيا جاعى باستاماشىلىق ەتتى.