جىل باسىنان بەرى ەكولوگيا جانە تابيعي رەسۋرستار مينيسترلىگىنىڭ مەكەمەلەرى ءۇشىن 3,7 ملرد تەڭگە سوماسىنا 136 شاعىن ورمان ءورت ءسوندىرۋ كەشەنى مەن 60 تراكتور جەتكىزىلدى. بۇل تۋرالى مينيسترلىك باسشىسى ەرلان نىسانباەۆ مالىمدەدى, دەپ جازادى Egemen.kz.
ەرلان نىسانباەۆتىڭ مالىمەتىنشە, ماۋسىم ايىنىڭ سوڭىنا دەيىن تاعى 166 ءورت ءسوندىرۋ ماشيناسى, 27 شاعىن ورمان ءورت ءسوندىرۋ كەشەنى جانە 11,3 ملرد تەڭگە سوماسىنا 15 تراكتور جەتكىزىلەدى.
«وبلىس اكىمدىكتەرى ورمان شارۋاشىلىعىن جاراقتاندىرۋعا بيىل جەرگىلىكتى بيۋدجەتتەن 6,3 ملرد تەڭگە جانە ليزينگ ەسەبىنەن 20 ملرد تەڭگە ءبولدى. وسىلايشا, جىل سوڭىنا دەيىن اكىمدىكتەردىڭ ورمان شارۋاشىلىقتارىنا 26,3 ملرد تەڭگە سوماسىنا 186 ءورت ءسوندىرۋ ماشيناسىن, 186 شاعىن ورمان ءورت ءسوندىرۋ كەشەنىن جانە 247 تراكتور ساتىپ الۋ جوسپارلانىپ وتىر. قابىلدانىپ جاتقان شارالار ەلىمىزدىڭ ەڭ ءورت قاۋپى جوعارى 11 وڭىرىندە ورمان شارۋاشىلىعىن جاڭارتۋعا جانە 100% جاراقتاندىرۋعا مۇمكىندىك بەرەدى», دەدى مينيستر.