باشار اساد رەجىمى توڭكەرىلگەننەن كەيىن سيريادا العاشقى سايلاۋدى وتكىزۋ ۋاقىتى ءتورت جىلعا سوزىلۋى مۇمكىن. ول ءۇشىن حالىق ساناعىن جۇرگىزىپ, جاڭا كونستيتۋتسيا ازىرلەۋ قاجەت. قۇجاتتاردى دايارلاۋ ءۇشىن دە ۇش جىلعا دەيىن ۋاقىت كەتەدى. بۇل تۋرالى سيريا رەسپۋبليكاسىنىڭ قازىرگى باسشىسى احمەد اش-شاراا مالىمدەدى, دەپ حابارلايدى Egemen.kz.
Reuters اگەنتتىگىنىڭ حابارلاۋىنشا, ۇكىمەت باسشىسى جانە كوتەرىلىستىڭ باسىندا تۇرعان «حايات تاحرير اش-شام» قوزعالىسى وزىنىڭ راديكالدى يدەولوگياسىنان الشاقتاعانىن حابارلاپ جاتىر.
سونىمەن قاتار اش-شاراا سودىرلار توبىن تاراتۋعا ۋادە بەردى, وسى ارقىلى سيريا باسشىلىعى سانكتسيالاردى الىپ تاستايدى دەپ اقش-قا ۇمىتتەنىپ وتىر.
«قايتادان قالىپتاسىپ الۋ ءۇشىن بىزگە بىراز ۋاقىت كەرەك. ستاتيستيكا جاساۋ وڭاي نارسە ەمەس. ونسىز سايلاۋ ۇدەرىسى اشىق بولمايدى. سوندىقتان سايلاۋعا كىرىسپەس بۇرىن, ينفراقۇرىلىمدى دايىنداۋ كەرەك. سونداي-اق جاڭا كونستيتۋتسيا جازىپ, ونى ەگجەي-تەگجەي تالقىلاۋ قاجەت. ء بىز «حايات تاحرير اش-شامدى» تاراتامىز. قارۋ تەك مەملەكەتتىڭ قولىندا بولۋى كەرەك. قازىر ءبىز ەلدىڭ سولتۇستىگىندەگى قارۋلى فراكتسيالارمەن كەلىسسوزدەر جۇرگىزىپ جاتىرمىز جانە ءتيىستى شەشىم تابامىز دەپ سەنەمىز», دەيدى سيريا رەسپۋبليكاسى اكىمشىلىگىنىڭ باسشىسى احمەد اش-شاراا.