وبلىستا 50-گە جۋىق قازاقى تازى بار كورىنەدى. كورمەگە ءوڭىردەن ولاردىڭ 20-سى قاتىستى. شىمكەنتتىك كينولوگ نينا ياسيزوۆا اقتوبەلىك تازىلاردى جارىستىرىپ كوردى.
دەنە ءبىتىمىن, اياق سۇيەكتەرىن, ءتىسىن, تىرناعىن بايقاپ, قاندارىنىڭ تازالىعىنا نازار اۋداردى. بارلىق تالاپقا ساي كەلگەن تالعات ەرماعانبەتوۆتىڭ 3 جاسار لاشىنى كورمە جەڭىمپازى اتاندى. بۇل تازى وسىعان دەيىن دە ەكى مارتە وبلىستىق جارىستا جۇلدەگەر بولعان ەكەن. ەكىنشى, ءۇشىنشى ورىنداردى قۇماي جانە اقتابان ءبولىستى. كورمەنى ۇيىمداستىرۋشىلاردىڭ مالىمدەۋىنشە, اقتوبەنىڭ قانى تازا 15 ءيتى قازاقستان كينولوگتار وداعىنىڭ تىركەۋىنە الىنعان. بۇل بىرلەستىكتىڭ الداعى ماقساتى – تازى سانىن كوبەيتۋ جانە تۇقىمىن اسىلداندىرۋ, بۇكىلالەمدىك كينولوگتار وداعىنا كىرۋ. «قانسوناردا» قوعامدىق بىرلەستىگى كۇزگە سالىم تاعى دا تازى وسىرۋشىلەردىڭ كورمەسىن وتكىزبەكشى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.