اقتوبە توپىراعىندا حالقىنىڭ اياۋلى قارىلعاشى, شىعىستىڭ قوس شىنارىنىڭ ءبىرى, قان مايداندا ەرلەرمەن بىرگە ەرلىكتىڭ اسقان ۇلگىسىن كورسەتكەن كەڭەس وداعىنىڭ باتىرى ءاليا مولداعۇلوۆانىڭ 90 جىلدىق مەرەيتويى باستالىپ تا كەتتى. الدىمەن وبلىس ورتالىعىنداعى باتىر قىزدىڭ مەموريالدىق كەشەنىنە سوعىس جانە ەڭبەك ارداگەرلەرى, ءاليانىڭ تۋىستارى, «ءاليا گ ۇلى» دوستارىن شاقىرادى» ءVى حالىقارالىق بالالار شىعارماشىلىعى فەستيۆالىنە قاتىسۋشىلار جانە اقتوبەلىكتەر گۇل شوقتارىن قويدى.
سالتاناتتى شارادا ءسوز العان قالا اكىمىنىڭ ورىنباسارى ا.ارىنعازيەۆا جينالعانداردى مەرەيتويمەن قۇتتىقتاپ, «ءبىز ءاليا ەرلىگىنە باس يەمىز» دەدى.
ءاليانىڭ ناعاشى ءىنىسى ساپار مولداعۇلوۆ باتىر قىزىنا قۇرمەت كورسەتىپ جاتقان حالىققا ريزاشىلىعىن ءبىلدىردى. مۇنىڭ ءوزى ءاليا اپايىنىڭ رۋحىنىڭ الدىنداعى ۇرپاق پارىزى ەكەنىن تىلگە تيەك ەتتى.
سالتاناتتى ءساتتى ««ءاليا گ ۇلى» دوستارىن شاقىرادى» ءVى حالىقارالىق بالالار شىعارماشىلىعى فەستيۆالىنە قاتىسۋشىلار مىڭ بۇرالعان بيمەن بەدەرلەدى.
ودان كەيىن مەرەيتوي قوناعى اسكەري عىلىمدار دوكتورى كيم سەرىكبەۆ ءاليانىڭ ەرلىگى ارقىلى تەك اقتوبەلىكتەر عانا ەمەس, بارشا قازاقستاندىقتار ماقتاناتىنىن جەتكىزىپ ءاليا مەن مانشۇكتىڭ ءومىرى مەن ەرلىگى تۋرالى وي تولعادى. «قوس شىنار» قوعامدىق بىرلەستىگى اقتوبە قالالىق قايىرىمدىلىق قورىنىڭ توراعاسى عالىمجان بايدەربەس ءاليا اپامىز جايلى مازمۇندى ءسوز ايتتى.
اقىن امانتاي وتەگەنوۆ ءاليا تۋرالى جىردان شاشۋ شاشتى.
شارا بارىسىندا «ءاليا گ ۇلى» حالىقتىق بي ءانسامبلى, وبلىستىق فيلارمونيا ارتىستەرى ءوز ونەرلەرىن كورسەتىپ, مارات وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىنىڭ دوتسەنتى, اۋەسقوي سۋرەتشى ا.كورۆاتتىڭ سۋرەت كورمەسى ۇيىمداستىرىلدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.