استانادا قازاقستان حالقى اسسامبلەياسىنىڭ عىلىمي-ساراپشىلىق كەڭەسىنىڭ كەڭەيتىلگەن وتىرىسى ءوتتى. جيىندا جاڭادان قۇرىلعان جاس عالىمدار كلۋبىنىڭ جوبالارى مەن عىلىمي ساراپشىلىق كەڭەس مۇشەلەرىنىڭ روتاتسياسى ماسەلەلەرى تالقىلاندى.
ءىس-شاراعا قحا توراعاسىنىڭ ورىنباسارى مارات ءازىلحانوۆ, قحا عىلىمي-ساراپشىلىق كەڭەسىنىڭ توراعاسى, قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى ايگۇل سادۋاقاسوۆا, قازاقستان قوعامدىق دامۋ ينستيتۋتى باسقارما توراعاسىنىڭ ورىنباسارى PhD ولجاس بەيسەنباەۆ, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ دوتسەنتى, الەۋمەتتانۋشى ەلميرا وتار, الەۋمەتتانۋ عىلىمدارىنىڭ دوكتورى, پرەزيدەنت جانىنداعى قسزي باس عىلىمي قىزمەتكەرى ايگۇل زابيروۆا, قحا عىلىمي-ساراپشىلىق كەڭەسىنىڭ جانە وڭىرلىك عىلىمي-ساراپشىلىق توپتاردىڭ مۇشەلەرى قاتىستى.
باسقوسۋدا الدىمەن ءسوز العان مارات ءازىلحانوۆ جاس عالىمداردىڭ ەتنوسارالىق كەلىسىمدى نىعايتۋداعى جانە اسسامبلەيانىڭ عىلىمي-ساراپشىلىق الەۋەتىن دامىتۋداعى ماڭىزدى رولىنە توقتالدى. سونىمەن بىرگە سپيكەرلەر ولجاس بەيسەنباەۆ, ەلميرا وتار جانە ايگۇل زابيروۆا ەتنوسارالىق قاتىناستاردىڭ وزەكتى ماسەلەلەرىن زەرتتەۋگە, جاستار اراسىندا قۇندىلىق باعدارلارىن قالىپتاستىرۋعا باعىتتالعان جاس عالىمدار كلۋبىنىڭ جوبالارىن تانىستىردى.
ولجاس بەيسەنباەۆ جاس عالىمدار كلۋبى قوعامدىق كەلىسىم مەن جالپىۇلتتىق بىرلىگىن نىعايتۋعا سەپتىگىن تيگىزەتىن عىلىمي جوبالار بويىنشا پىكىر الماسۋ جانە ىنتىماقتاستىق الاڭىنا اينالاتىنىن اتاپ ءوتتى. ۇمىتكەرلەر ساناتىنا باسقا گرانتتارعا قاتىسپايتىن جانە ماتەريالدىق ىنتالاندىرۋدى قاجەت ەتەتىن عىلىمي زەرتتەۋ ينستيتۋتتارى مەن جوعارى وقۋ ورىندارىندا قىزمەت اتقاراتىن عالىمدار كىرەتىنىن ايتتى.
ال الەۋمەتتانۋشى ەلميرا وتار عىلىمي ازىرلەمەلەردى تاجىريبەگە ەنگىزۋدىڭ ماڭىزىن اتاپ ءوتىپ, كەشەندى زەرتتەۋلەر جاستار اراسىندا وتانسۇيگىشتىك پەن ازاماتتىق جاۋاپكەرشىلىكتى قالىپتاستىرۋدىڭ ءتيىمدى ءتاسىلىن ازىرلەۋگە كومەكتەسەتىنىن جەتكىزدى. سونداي-اق كلۋب جۇمىسى اياسىندا قازاقستان حالقى اسسامبلەياسى ەلدەگى ەتنوساياسي جانە مادەنيەتارالىق ۇدەرىستەردىڭ دامۋىنا ۇلەس قوساتىن جاس زەرتتەۋشىلەرمەن بايلانىس ورناتۋىنا ىقپال ەتەدى. ايگۇل زابيروۆا قازاقستان جاستارىنىڭ قۇندىلىقتارى, قازىرگى كەزەڭدەگى ەلدەگى ازاماتتىق قوعامنىڭ دامۋ ۇردىستەرى مەن ۇدەرىس ماسەلەلەرىن كوتەردى. سونىمەن قاتار وتىرىس بارىسىندا قحا عىلىمي-ساراپشىلىق كەڭەسىنىڭ مۇشەلەرىنىڭ روتاتسياسى ماسەلەلەرىن دە تالقىلادى. جيىنعا قاتىسۋشىلار كەڭەستىڭ تيىمدىلىگىن ارتتىرۋ, قازىرگى زامانعى سىن-قاتەرلەرگە بەيىمدەلۋ ءۇشىن ونىڭ قۇرامىن جاڭارتۋدىڭ قاجەتتىلىگى تۋرالى ورتاق پىكىرگە كەلدى. وتىرىس قورىتىندىسىندا ۇسىنىلعان جوبالاردى ىسكە اسىرۋ بويىنشا ناقتى قادامدار بەلگىلەندى.