قىزىلوردا قالالىق پروكۋراتۋراسى قالادا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكس تالاپتارىنىڭ ساقتالۋىنا ۇنەمى قاداعالاۋ جۇمىستارىن جۇرگىزىپ وتىرادى.
قىزىلوردا قالالىق مامانداندىرىلعان اكىمشىلىك سوتىنىڭ 2015 جىلعى 15 قاڭتارداعى قاۋلىسىمەن قۇقىق بۇزۋشى ك.ە.م قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكستىڭ 223-بابى بويىنشا كىنالى دەپ تانىلىپ, وعان لاۋازىمدى تۇلعا رەتىندە 25 ايلىق ەسەپتىك كورسەتكىش مولشەرىندە ايىپپۇل سالىندى.
ءىس قۇجاتتارىنا قاراعاندا, 2014 جىلى 15 اقپاندا ۋاكىلەتتى ورگاننىڭ قىزمەتكەرلەرى سەرىكتەستىك قىزمەتىندە ەلەكتر ستانتسيالارى مەن جەلىلەرىن تەحنيكالىق پايدالانۋدا قاۋىپسىزدىك تالاپتارىنىڭ ساقتالۋىنا جوسپارلى تەكسەرۋ جۇمىستارىن جۇرگىزدى. ناتيجەسىندە زاڭ بۇزۋشىلىقتار انىقتالىپ, سەرىكتەستىكتىڭ وسى سالاعا جاۋاپتى لاۋازىمدى تۇلعاسى ازامات ك.ە.م-گە قاتىستى اكىمشىلىك ءىس قوزعالدى. قۇقىق بۇزۋشىنىڭ بۇل ارەكەتى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكستىڭ 223-بابى بويىنشا دۇرىس دارەجەلەنگەن. سەبەبى, ازامات ك.ە.م سەرىكتەستىكتىڭ باس ەنەرگەتيگى جانە لاۋازىمدى تۇلعاسى بولا تۇرا, ەلەكتر ستانتسيالارى مەن جەلىلەرىنىڭ تەحنيكالىق پايدالانۋدا قاۋىپسىزدىك تالاپتارىنىڭ بۇزىلۋىنا جول بەرگەن. 2015 جىلدىڭ 1 قاڭتارىنان باستاپ قولدانىسقا ەنگىزىلگەن جاڭا اكىمشىلىك قۇقىق بۇزۋشىلىق تۋرالى كودەكستە اتالعان قۇقىق بۇزۋشىلىق ءۇشىن جاۋاپكەرشىلىك 300-باپتا كوزدەلگەن.
ءوز كەزەگىندە, 2015 جىلدىڭ 1 قاڭتارىنان باستاپ قولدانىسقا ەنگىزىلگەن جاڭا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكستىڭ 300-بابىنىڭ سانكتسياسىندا قۇقىق بۇزۋشىلىق ارەكەتى ءۇشىن لاۋازىمدى تۇلعالارعا جاۋاپكەرشىلىك كوزدەلمەگەن. قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكستىڭ 5-بابىنىڭ 1-بولىگىنە سايكەس, اكiمشiلiك قۇقىق بۇزۋشىلىق ءۇشiن اكىمشىلىك جاۋاپتىلىقتى جەڭىلدەتەتىن نەمەسە ونىڭ كۇشىن جوياتىن نە اكىمشىلىك قۇقىق بۇزۋشىلىق جاساعان تۇلعانىڭ جاعدايىن وزگە تۇردە جاقسارتاتىن زاڭنىڭ كەرi كۇشi بولادى, ياعني, وسى زاڭ قولدانىسقا ەنگىزىلگەنگە دەيىن جاسالعان جانە اكىمشىلىك جازا قولدانۋ تۋرالى قاۋلى ورىندالماعان قۇقىق بۇزۋشىلىققا قولدانىلادى دەلىنگەن. بۇل تۇرعىدا, 2015 جىلدىڭ 1 قاڭتارىنان باستاپ قولدانىسقا ەنگىزىلگەن جاڭا اكىمشىلىك قۇقىق بۇزۋشىلىق تۋرالى كودەكستىڭ 300-بابىندا لاۋازىمدى تۇلعاعا جاسالعان ارەكەتى ءۇشىن جاۋاپكەرشىلىك كوزدەلمەگەندىكتەن, اكىمشىلىك ءىس وندىرىستەن قىسقارتىلۋعا جاتادى. وسىعان بايلانىستى, قالالىق پروكۋراتۋر وبلىستىق سوتتىڭ اپەللياتسيالىق سوت القاسىنا اپەللياتسيالىق نارازىلىق ەنگىزىپ, قارالۋ ناتيجەسىندە ءبىرىنشى ساتى سوتى قاۋلىسىنىڭ كۇشى جويىلدى. ال ازامات ك.ە.م. اكىمشىلىك جاۋاپكەرشىلىكتەن بوساتىلدى.
وتەمىس شىڭعىسحان,
قىزىلوردا قالاسى پروكۋرورىنىڭ كومەكشىسى, 2-ءشى سىنىپتى زاڭگەر.