قوستاناي. 16 ماۋسىم. ءى.وماروۆ اتىنداعى وبلىستىق قازاق دراما تەاترىندا ايتىس ونەرىندەگى قوس اقبەرەن اقىن ءاسيا مەن اسەلحاننىڭ كەشى ءوتتى. بۇل تۋرالى egemen.kz ءتىشىسى حابارلادى.
80-90 جىلدارى حالقىمىزدىڭ ايتىس ونەرىن بيىككە كوتەرۋدە ءبىر شوق اقىنداردىڭ اراسىندا اسەلحان مەن ءاسيانىڭ دا ەڭبەگى ەرەكشە بولاتىن. بۇل كەش ءبىر كۇندە, ءبىر جىلدا تۋعان ەگىز قوزىداي قازاقتىڭ قوس قىزىنىڭ مەرەيتويىنا بايلانىستى ءوتتى. قوس اقىننىڭ شىعارماشىلىق كەشى الدىمەن شىمكەنتتە, سوسىن قوستانايدا جالعاسىن تاپتى. وندا كەلۋشىلەر الدىمەن وبلىستىق امبەباپ كىتاپحانا ۇجىمى دايىنداعان قوس اقىن تۋرالى جانە ولاردىڭ شىعارماشىلىعىنا ارنالعان كورمەنى تاماشالادى.
كەشتەن بۇرىن قوس اقىندى وبلىس اكىمى نۇرالى سادۋاقاسوۆ قابىلدادى. كەشتە وبلىس اكىمىنىڭ ورىنباسارى مۇرات دارىباەۆ قۇتتىقتاپ, ءاسيا مەن اسەلحانعا وبلىس اكىمى اتىنان سىي-سياپات جاساپ, يىقتارىنا كامزول جاۋىپ, ارقايسىسىنا 1 ميلليون تەڭگەنىڭ سەرتيفيكاتىن بەردى.
كەشتە اسەلحان مەن ءاسيا ءوز ولەڭدەرىن وقىپ, ولاردىڭ سوزىنە جازىلعان اندەر شىرقالدى. ايتىس تۋرالى اقجارما اڭگىمە دە ايتىلماي قالمادى. باقىتتى اقىنداردىڭ اندەرىن ولاردىڭ بالالارى مەن نەمەرەلەرى دە ايتتى. قوس اقىندى بەلگىلى ساتيريك كوپەن امىربەكوۆ قۇتتىقتادى.
سونىمەن قااتر كەشەن ءبىر كۇني بۇرىن اسەلحان مەن ءاسيانىڭ كەشى ءاسيانىڭ تۋعان جەرى اۋليەكول اۋدانىندا دا ءوتتى.
ءنازيرا جارىمبەتوۆا.
دەرەك, سۋرەت: egemen.kz