قوستاناي. 16 ماۋسىم. قارابالىق اۋدانىنداعى سيلانتەۆ سەلوسىندا ءبىر جارىم جاسار بالا سپيرتتىك ىشىمدىككە ۋلانىپ قالدى. بۇل تۋرالى alau.kz سايتىنا سىلتەمە جاساي وتىرىپ, egemen.kz ءتلشىسى حابارلادى.
اۋداندىق اۋرۋحاناعا بالا ەس-ءتۇسسىز جەتكىزىلدى. وعان ءدارى تامىزعىشپەن ءدارى سالعاننان كەيىن عانا ەسىن جيدى. ءسابيدىڭ اناسى: «بۇل وتباسىنداعى ءۇشنىشى بالامىز. سونداي تىنىشسىز, ءبىر ورنىندا وتىرمايدى. مەن تۇسكى تاماقتى دايىنداپ جاتقانمىن, اكەسى اتامىزبەن اۋلادا وتىرعان. بالا ءبىر ساتكە نازاردان تىس قالىپ قويعان. ءبىر ۋاقىتتا قاراسىم بالا قولىنا شاراپتىڭ شولمەگىن ۇستاپ, گاراجدان شىعىپ كەلە جاتىر ەكەن. مەن دەرەۋ ۇمتىلدىم, شىنى ايتسام, نە ىستەرىمدى بىلمەي ابدىراپ قالدىم», دەدى.
اتا-اناسى بالانى وراپ جاتقىزادى, ۇيىقتادى دەپ ويلايدى. بىراق بالانىڭ جاعدايى ناشارلاعان سوڭ, ولار اۋىلداعى مەديتسينا قىزمەتكەرىن شاقىرىپ, جەدەل اۋرۋحاناعا جەتكىزەدى. قازىر بالانىڭ جاعدايى جاقساردى, بىراق قولقاسىنا سۋىق تيگەن بالانى پەدياتر دارىگەر ەمدەۋ كەرەك دەپ شەشتى.
ءنازيرا جارىمبەتوۆا.
دەرەك, سۋرەت: alau.kz