پاۆلودار. 16 ماۋسىم. باياناۋىلدىڭ تورايعىر اۋىلىنداعى كەسەنە باسىندا ۋنيۆەرسيتەت رەكتورى ارىن ورساريەۆ باستاپ كەلگەن عالىمدار اقىن رۋحىنا قۇران باعىشتادى. بۇل تۋرالى egemen.kz ءتىلشىسى حابارلادى.
سونداي-اق, اقىنعا ارنالعان اۋىلداعى مۋزەيدە بولدى. اقىن كەسەنەسى ماڭىنداعى 2002-2007 جىلدارى ۋنيۆەرسيتەت ارحەولوگتارى زەرتتەگەن ەجەلگى ساق داۋىرىندەگى «تورايعىر VI مادەني قورىمدار» كەشەنىن ارالاپ كوردى. ەكسكۋرسيا بارىسىندا ۋنيۆەرسيتەتتىڭ الكەي مارعۇلان اتىنداعى ارحەولوگيالىق زەرتتەۋ ورتالىعىنىڭ قىزمەتكەرى يليا مەرتس ەسكەرتكىشتىڭ ەرەكشەلىكتەرىنە جانە كوشپەندىلەردىڭ دۇنيەتانىمى تۋرالى باياندادى.
جالپى, بۇل «تورايعىر VI قورىمى» بىرنەشە «قويتاس» ەسكەرتكىشى مەن «بۇعىلى» تاستارى بار «مۇرتتى» 12 ءدىني قورعاننان تۇرادى. ەسكەرتكىش بۇعىلى تاستىڭ ناسيحاتتالۋىنىڭ سولتۇستىك-باتىستىق وشاعى بولىپ سانالادى. سولتۇستىك-شىعىس ساق مادەنيەتىن قالىپتاستىرۋدىڭ باستاپقى كەزەڭىن بەينەلەيدى. سونىمەن قاتار, ۋنيۆەرسيتەتتىڭ ارحەولوگيالىق زەرتتەۋ ورتالىعى ەجەلگى ساق داۋىرىندەگى «تورايعىر ءVى قورىمىنداعى» تابىنۋشىلىق-جەرلەۋ راسىمدەرى بويىنشا زەرتتەۋ جۇمىستارىن جالعاستىرماق.
فاريدا بىقاي.
دەرەك, سۋرەت: egemen.kz