اقتاۋ. 16 ماۋسىم. ماڭعىستاۋ وبلىسىنداعى كەندىرلى ەلدى مەكەنىندە «اقبوبەك» دەمالىس ورتالىعى ءوز جۇمىسىن باستادى. بۇل تۋرالى egemen.kz ءتىلشىسى حابارلادى.
جاڭاوزەن قالاسىنان 70 شاقىرىم قاشىقتىقتاعى كەندىرلى اۋماعىندا دەمالىس ورتالىعى «وزەنمۇنايگاز» اكتسيونەرلىك قوعامىنا قارايدى. ءار اۋىسىمدا 200-دەن استام بالا قابىلداپ, جاز بويى التى اۋىسىمدا 1 300 بالانىڭ دەمالۋىن قامتاماسىز ەتۋدى جوسپارلاپ وتىر. مۇنايشىلاردىڭ بالالارى دەمالاتىن دەمالىس ورتالىعىنىڭ جۇمىسىن جۇرگىزۋدى «بالداۋرەن» رەسپۋبليكالىق وقۋ-ساۋىقتىرۋ ورتالىعى ءوز قولدارىنا العان. اتالعان ورتالىق «اقبوبەك» دەمالىس ورنىندا وسىمەن ەكىنشى جىل بالالاردىڭ دەمالىسىن مازمۇندى وتكىزۋگە اتسالىسىپ وتىر. وتكەن قىستا ورتالىق عيماراتىنىڭ ءىشىن جوندەۋدەن وتكىزىپ, ماڭايىنا اعاشتار وتىرعىزعان, بالالاردىڭ ساحناسىن جوندەگەن «بالداۋرەن» باسشىلىعىنىڭ الدىندا ۇلكەن جوسپارلار تۇر.
گۇلايىم شىنتەمىرقىزى.
دەرەك, سۋرەت: egemen.kz.