استانا. 16 ماۋسىم. جاپون مەتەورولوگتارى اساما جانارتاۋىنان كۇل اتقىلاعانىن انىقتادى. اتالعان جانارتاۋ توكيو قالاسىنان 140 شاقىرىم قاشىقتىقتا گۋمما مەن ناگانو ەلدى مەكەندەرىنىڭ شەكاراسىندا ورنالاسقان. بۇل تۋرالى ريا «نوۆوستي» حابارلادى.
مەتەورولوگ مامانداردىڭ مالىمەتتەرىنە قاراعاندا, كۇل جانارتاۋ كراتەرىنەن 4 شاقىرىم جەردەن تابىلعان. قازىرگى تاڭدا بۇل ايماقتا 5 بالدىق جۇيە بويىنشا ەكىنشى قاۋىپتىلىك دەڭگەيى ساقتالىپ تۇر. قاۋىپتىڭ بۇل دەڭگەيى كراتەرگە 2 شاقىرىمنان ارى جاقىنداماۋدى قاتاڭ ەسكەرتەدى.
كيودو اقپارات اگەنتتىگى تاراتقان دەرەكتەرگە سۇيەنسەك, جانارتاۋدان كۇلدىڭ اتقىلاۋى اۋە حابارىن تاراتۋعا كەدەرگى كەلتىرمەگەن. جاپوندىق ءىرى اۋە تاسىمالداۋشى Japan Airlines (JAL) جانە All Nippon Airways (ANA) باعىتتارى ەش وزگەرىزسىز جۇمىس ىستەگەن. بۇل وقيعاعا قاتىستى ازىرگە باسقا ەشقانداي اقپارات تاراتىلعان جوق.
اساما جاپونياداعى بەلسەندى جانارتاۋلاردىڭ ءبىرى. 2009 جىلدىڭ اقپان ايىندا اتقىلاعان لاۆانىڭ سالدارىنان توكيونى تۇتاستاي كۇل باسىپ قالعان بولاتىن. ماماندار بۇل جولى دا سونداي قاۋىپتىڭ بار ەكەنىن ايتۋدا.
اينۇر قوڭقاباەۆا.
دەرەك: ريا «نوۆوستي».
سۋرەت: etoday.ru.