استانا. 16 ماۋسىم. قىرعىز ەلىنىڭ تۋريستىك سالاسىنىڭ دامۋىنا سۇبەلى ۇلەس قوسىپ وتىرعان ىستىقكول اۋماعىندا قار جاۋدى. بۇل تۋرالى «قازاقپارات» حابارلادى. ىستىقكول وبلىسىنىڭ اقسۋي اۋدانىندا قار جاۋىپ, 160-تان استام باس مال قىرىلىپ قالدى. ناقتىلاساق, 150 قوي, 2 سيىر جانە 15 قوداس جاز ايىندا جاۋعان قاردىڭ ىزعارىنا شىداس بەرمەي قىرىلعان.
ايتا كەتەيىك, ەلدەگى توتەنشە جاعدايلار مينيسترلىگىنىڭ تاراتقان مالىمەتىنشە, اق ۇلپانىڭ بيىكتىگى 50-60 سانتيمەترگە دەيىن جەتكەن. سونداي-اق, سارى جاز جايىلىمىنا اپاراتىن جولدا وزەندەگى سۋ دەڭگەيىنىڭ كوتەرىلۋىنە بايلانىستى كوپىر بۇزىلعان. وقيعا ورنىندا ازاماتتىق قورعانىس كوميسسياسى جۇمىس جاساۋدا.
تالعات رايىمبەك.
دەرەك, سۋرەت: «قازاقپارات».