الماتىدا ءىىم كيبەرقىلمىسقا قارسى كۇرەس ءبولىنىسىنىڭ قىزمەتكەرلەرى حالىقارالىق جەلىدە ينتەرنەت الاياقتىقپەن اينالىسقان قىلمىسكەرلەر توبىن قولعا ءتۇسىردى, دەپ حابارلايدى Egemen.kz Polisia.kz سايتىنا سىلتەمە جاساپ.
الماتى قالاسى بويىنشا 4 جەردەن call-ورتالىق اشقان ينتەرنەت الاياقتار يران, ءۇندىستان, قىتاي, اقش جانە مالايزيا ازاماتتارىن قۇرىققا ءتۇسىرىپ, ولارعا جالعان ينۆەستيتسيالىق مامىلەلەر جاساۋدى ۇسىنعان.
ء« تورت قىلمىس وشاعىنان 52 قىلمىسكەر ۇستالدى. ولاردىڭ اراسىندا 47 شەتەل ازاماتى, 5 قازاقستان ازاماتى بار. الاياقتار شەتەلدىكتەرگە 2 مىڭنان استام قوڭىراۋ شالعان. ءتىنتۋ كەزىندە 1,5 مىڭنان استام تەلەفون, 57 نوۋتبۋك پەن كومپيۋتەر, مىڭنان استام sim-كارتا تابىلدى. ولاردىڭ ەل ازاماتتارىنا قاتىستى قانشالىقتى ينتەرنەت-الاياقتىق جاساعاندارى تەكسەرىلىپ جاتىر», دەلىنگەن حابارلامادا.