استانا. 12 ماۋسىم. قازاق كۇرەسىنەن «قازاقستان بارىسى» رەسپۋبليكالىق ءتۋرنيرىنىڭ بيىلعى فينالدىق دوداسى وتەتىن كۇن 5 شىلدەدەن 4 شىلدەگە اۋىستىرىلدى. بۇل تۋرالى «قازاقستان بارىسى» قازاق كۇرەسىن دامىتۋ قورىنىڭ ءباسپاسوز قىزمەتى حابارلادى.
مۇنداي شەشىم 5 شىلدەدە استانا كۇنى مەرەكەسىنە وراي ۇيىمداستىرىلاتىن شارالاردىڭ تىعىزدىعىنا بايلانىستى قابىلدانىپ وتىر. وسىلايشا, التىن «تايتۇياق» پەن چەمپيوندىق بەلبەۋ يەگەرىن, سونداي-اق, جىلدىڭ ۇزدىك پالۋانىن انىقتايتىن «قازاقستان بارىسى» ءتۋرنيرىنىڭ V فينالدىق جارىسى استانا قالاسىنداعى «سارىارقا» رەسپۋبليكالىق ۆەلوترەگىندە 4 شىلدەدە وتەدى. باستالۋ ۋاقىتى ساعات 12:00-دە.
اتالعان سايىسقا بيلەتتەر كەلەسى اپتادان باستاپ ساتىلىمعا تۇسەدى. بيلەت ساتىلاتىن ورىندار «قازاقستان بارىسى» قازاق كۇرەسىن دامىتۋ قورىنىڭ رەسمي سايتىندا جاريالانادى.
ەلامان قوڭىر.
دەرەك, سۋرەت: «قازاقستان بارىسى» قازاق كۇرەسىن دامىتۋ قورىنىڭ ءباسپاسوز قىزمەتى.