اۋىل شارۋاشىلىعى سالاسىن دامىتۋ ەلىمىزدەگى ەڭ ماڭىزدى مىندەت بولىپ تابىلادى. ەلباسى ن.نازارباەۆ ءوزىنىڭ «قازاقستان-2050» ستراتەگياسىندا ءححى عاسىردىڭ ون جاھاندىق سىن-قاتەرىن اتاپ وتە كەلىپ, «ءۇشىنشى سىن-قاتەر – جاھاندىق ازىق-ت ۇلىك قاۋىپسىزدىگىنە تونەتىن قاتەر. الەمدىك حالىق سانى ءوسۋىنىڭ جوعارى قارقىنى ازىق-ت ۇلىك پروبلەماسىن كۇرت شيەلەنىستىرىپ وتىر. بۇگىننىڭ وزىندە الەمدە ميلليونداعان ادام اشتىققا ۇشىراپ, ميللياردقا جۋىق ادام تاعامنىڭ ۇدايى جەتىسپەۋشىلىگىن باستان كەشىرۋدە. تاماق ونىمدەرىن وندىرۋدە رەۆوليۋتسيالىق وزگەرىستەر جاساماسا, وسىناۋ ۇرەيلى تسيفرلار تەك وسە تۇسپەك. ءبىز ءۇشىن بۇل سىن-قاتەر استارىندا وراسان زور مۇمكىندىكتەر بار. ءبىز قازىردىڭ وزىندە استىق داقىلدارىن اسا ءىرى ەكسپورتتاۋشىلار قاتارىنا ەندىك. بىزدە اسا ءىرى ەكولوگيالىق تازا اۋماقتار بار جانە ەكولوگيالىق تازا تاعام ونىمدەرىن شىعارا الامىز. اۋىلشارۋاشىلىق ونەركاسىبىندە ساپالى سەكىرىس جاساۋ تولىقتاي قولىمىزداعى نارسە. بۇل ءۇشىن بىزگە جاڭا تۇرپاتتاعى مەملەكەتتىك وي-سانا قاجەت بولادى», دەگەن بولاتىن. ەلىمىزدە قازىردىڭ وزىندە اگروونەركاسىپ كەشەنىن دامىتۋعا مەملەكەت تاراپىنان ۇلكەن قولداۋ كورسەتىلىپ وتىر. اۋىل شارۋاشىلىعى سالاسىن قارجىلاندىرۋ دا جىل وتكەن جاقسارا تۇسۋدە. بۇل باعىتتا بىرنەشە قارجى ينستيتۋتتارى جۇمىس ىستەيدى. سالاعا سالىنعان قارجىنىڭ قايتارىمدىلىعى قازىردىڭ وزىندە ناتيجەسىن بەرە باستادى. سالادا ىلگەرىلەۋ, سانادا سىلكىنىس بار. بۇل اۋىل شارۋاشىلىعىن دامىتۋدا ءمۇمكىندىگىمىزدىڭ مول ەكەنىن دالەلدەيدى.
وڭىردە ءتيىمدى دە جۇيەلى جۇمىس ىستەپ كەلە جاتقان قارجى ينستيتۋتتارىنىڭ ءبىرى – «قازاگروقارجى» اق. اكتسيونەرلىك قوعامنىڭ اقتوبە وبلىستىق فيليالىنىڭ ديرەكتورى قورعان ءنۇرتازيننىڭ ايتۋىنشا, وسى كومپانيانىڭ قارجىلاي قولداۋىمەن وبلىستا ازىق-ت ۇلىك بەلدەۋى قۇرىلعان. ەكى تاۋارلى-ءسۇت فەرماسى, شوشقا فەرماسى, ەكى رەپرودۋكتور, ەكى جىلىجاي, كوكونىس قويماسى جانە بىرقاتار اۋىلشارۋاشىلىق ونىمدەرىن وڭدەۋ كاسىپورىندارى سالىنىپ, پايدالانۋعا بەرىلگەن. 2000 جىلدان بەرى وبلىستىڭ اۋىلشارۋاشىلىق تەحنيكالىق پاركىن جاڭارتۋ ماقساتىندا 24,2 ملرد. تەڭگە قارجى قارالعان. 2000 جىلدان بەرى وبلىستا 478 اۋىلشارۋاشىلىق قۇرىلىمىنا 5937 ميلليون تەڭگەنىڭ 976 تەحنيكاسى بەرىلگەن. – وتكەن جىلى 645,9 ميلليون تەڭگەگە 203 تەحنيكا ساتىپ الۋعا 108 شارۋاشىلىقپەن 175 كەلىسىم-شارت جاسالدى. بۇرىن كومپانيا اۋىلشارۋاشىلىق تەحنيكاسى جانە وڭدەۋ قوندىرعىلارىن ساتىپ الۋدى قارجىلاندىرۋعا باسىمدىق بەرىپ كەلسە, ەندى ءوز ينۆەستيتسياسىنىڭ باعىتتارىن كەڭەيتۋدى قولعا الدى. قازىر وتاندىق اگروبيزنەستى دامىتۋعا قاجەتتى بىرقاتار جاڭا يننوۆاتسيالىق جوبالاردى قارجىلاندىرۋعا باعىت ۇستالىپ وتىر. كومپانيانىڭ قازىرگى نەگىزىگى ۇستانعان قاعيداتى ول الەمدە تانىلعان جانە ءوزىنىڭ تيىمدىلىگىن كورسەتكەن اۋىل شارۋاشىلىعىنىڭ جاڭا باعىتتارىن دامىتۋدى قارجىلاي قولداۋ ارقىلى ىنتالاندىرۋ بولىپ تابىلادى, – دەيدى ق.نۇرتازين. قازىرگى تاڭدا اتالمىش ۇيىمنىڭ قولداۋىمەن وڭىردە جالپى سوماسى 12,3 ميلليارد تەڭگە تۇراتىن ون بەس ينۆەستيتسيالىق جوبا جۇزەگە اسىرىلدى. ولاردىڭ قاتارىندا مارتوك اۋدانى سارجانساي اۋىلىنداعى «ايس» جشس-نىڭ 1100 ساۋىن سيىرلىق تاۋارلى-ءسۇت فەرماسىن, حرومتاۋ اۋدانى قوپا اۋىلىنداعى «مولوچنىە يستوري» جشس-نىڭ 16400 ءىرى قارالىق رەپرودۋكتور شارۋاشىلىعىن, «يزەت گرەنحاۋس» جشس-نىڭ گەكتار جىلىجايىن, العا اۋدانىنداعى «پاريجسكايا كوممۋنا» جشس-نىڭ 40 مىڭ شوشقا وسىرەتىن مال شارۋاشىلىعى كەشەنىن, «اكتەپ» جشس-نىڭ 1500 اسىل تۇقىمدى رەپرودۋكتور-شارۋاشىلىعىن, «اقتوبە جىلىجاي» جشس-نىڭ 3 گەكتار جىلىجايىن قوسۋعا بولادى.
ساتىبالدى ءساۋىرباي, «ەگەمەن قازاقستان».