ورال. 11 ماۋسىم. باتىس قازاقستان وبلىسى, تەرەكتى اۋدانى, دولينسك اۋىلدىق وكرۋگىندەگى چاپاەۆ ورتا مەكتەبىنە بۇرىنعى تۇلەگى «گازەل» اۆتوكولىگىن سىيلادى. بۇل تۋرالى egemen.kz ءتىلشىسى حابارلادى.
مەكتەپتىڭ بيىلعى بىتىرۋشىلەرىن شىعارىپ سالۋ كەشىنە بۇرىنعى تۇلەكتەر س.ەركەباەۆ پەن ا.ساۆران ارنايى قاتىستى. التىن ۇيا مەكتەپتەرىنە ات باسىن بۇرعان ولار ۇستازدار قاۋىمى مەن جەرلەستەرىن قۇتتىقتاپ, جىلى لەبىزدەرىن ءبىلدىردى.
سالتاناتتى شارا بارىسىندا س.ەركەباەۆ ءۇش مۇعالىم مەن ءۇش وقۋشىعا ءوز اتىنان ستيپەنديا تابىس ەتتى. ودان بولەك, ول ءوزى تۇلەپ ۇشقان مەكتەبىنە, جوعارىدا ايتقانىمىزداي, «گازەل» اۆتوكولىگىن سىيلادى.
اۋىلداستارى ونەگىلى ىسىمەن كوپكە ۇلگى بولعان جومارت جەرلەستەرىنە العىس ايتىپ, ىسىنە تابىس تىلەدى.
تەمىر قۇسايىن.
دەرەك: egemen.kz.
Cۋرەت: zhaikpress.kz.