ورال. 11 ماۋسىم. باتىس قازاقستان وبلىسى قازتالوۆ اۋدانىنداعى قايىڭدى اۋىلىنىڭ تۇرعىنى اسلان جايىنوۆتىڭ قارماعىنا الىپ جايىن ءىلىندى. بۇل تۋرالى egemen.kz ءتىلشىسى حابارلادى.
بىزبەن اڭگىمەسىندە اسلان:«جالپى مەن بالىق اۋلاۋدى كاسىپ ەتكەن ەمەسپىن. تەك قول بوساعاندا اۋىل ىرگەسىندەگى وزەنگە قارماق سالىپ. ازىن-اۋلاق تۇسكەن مايدا بالىقتارعا قاناعات ەتىپ جۇرە بەرەمىن. ويلاماعان جەردەن ۇلكەن جايىن ۇستاپ العانىم – سونداي كۇندەردىڭ ءبىرى ەدى. قارماعىما باقا بايلاپ سالىپ قويعان ەدىم. قاسىمدا ەشكىم جوق. قاننەن قاپەرسىز وتىردىم. ءبىر كەزدە قارماعىما بالىق تۇسكەنىن بايقادىم. ايتسە دە وعان ەكى-ءۇش كەلى ولجا شىعار دەپ ونشا كوڭىل بولە قويمادىم. دەگەنمەن, قارماعىمدى تارتىپ قاراسام, بىردەن اۋىرلاپ سالا بەردى. تارتايىن دەسەم ءالىم جەتەتىن ەمەس. سودان سوڭ ايقايلاپ اۋىلداستارىمدى كومەككە شاقىردىم. الايدا ەشكىم كەلە قويمادى. الىسىپ ءجۇرىپ الىپ جايىندى ارەڭ جاعاعا شىعاردىم. سول ۋاقىتتا عانا قاسىما كورشىلەرىم كەلدى. ءبارى تاڭ قالىپ جاتىر. ۇيگە سۇيرەپ اكەلىپ, ولشەپ قاراعاندا جايىننىڭ ۇزىندىعى 2 مەتر, سالماعى 45 كيلو تارتتى», – دەپ, بۇل ومىرىندەگى قارماقپەن ۇستاعان ەڭ ۇلكەن بالىق ەكەنىن ايتتى.
تەمىر قۇسايىن.
دەرەك, سۋرەت: egemen.kz.