2026 جىلعى 10 ساۋىردەن باستاپ استانا قالاسىندا «بولاشاق ويىندارى 2026» حالىقارالىق مۋلتيسپورتتىق تۋرنيرىنە قاتىسۋ ءۇشىن ۆولونتيورلاردى رەسمي ىرىكتەۋ باستالادى, دەپ حابارلايدى Egemen.kz.
وسى كۇنى ۆولونتيورلىق باعدارلامانىڭ تانىستىرىلىمى وتەدى, ونىڭ اياسىندا قاتىسۋ فورماتى, فۋنكتسيونالدىق باعىتتار, ۇمىتكەرلەرگە قويىلاتىن تالاپتار جانە ىرىكتەۋ شارتتارى تانىستىرىلادى.
ۆولونتيورلار ءتۋرنيردى ۇيىمداستىرۋدىڭ نەگىزگى ەلەمەنتى بولىپ تابىلادى جانە قاتىسۋشىلار مەن كورەرمەندەرمەن جۇمىس ىستەۋ, بۇقارالىق اقپارات قۇرالدارىمەن ءوزارا ءىس-قيمىل جاساۋ, سپورتتىق دەلەگاتسيالاردى سۇيەمەلدەۋ, سونداي-اق ءىس-شارالاردى ۇيىمداستىرۋعا قولداۋ كورسەتۋ سياقتى نەگىزگى وپەراتسيالىق باعىتتاردا جۇمىس ىستەيتىن بولادى.
ۆولونتيورلىق باعدارلاما ەرىكتىلىك مادەنيەتىن دامىتۋعا جانە جاستاردىڭ حالىقارالىق ءىس-شارالاردى ۇيىمداستىرۋ سالاسىنداعى پراكتيكالىق قۇزىرەتتەرىن قالىپتاستىرۋعا باعىتتالعان. باعدارلامانى ىسكە اسىرۋ جوعارى دەڭگەيدەگى سەرۆيس, ۇيلەستىرۋ جانە كوممۋنيكاتسيانى قامتاماسىز ەتەتىن دايىندالعان ۆولونتيورلار كومانداسىن قالىپتاستىرۋعا مۇمكىندىك بەرەدى.
«بولاشاق ويىندارى 2026» سپورت, تەحنولوگيا جانە تسيفرلىق مادەنيەتتى بىرىكتىرەتىن پلاتفورما بولىپ تابىلادى. ۆولونتيورلاردىڭ جوباعا قاتىسۋى استانانىڭ زاماناۋي ءارى تەحنولوگيالىق قالا رەتىندەگى ءيميدجىن نىعايتۋعا, سونداي-اق قازاقستاننىڭ ءىرى حالىقارالىق ءىس-شارالاردى وتكىزۋ الاڭى رەتىندەگى تانىمالدىلىعىن ارتتىرۋعا ىقپال ەتەدى.
باعدارلاما قاتىسۋشىلارىنا برەندتەلگەن كيىم, سۋۆەنيرلىك ونىمدەر جانە قاتىسۋ سەرتيفيكاتتارى ۇسىنىلادى. ۆولونتيورلار سپورت پەن زاماناۋي تەحنولوگيالاردى بىرىكتىرەتىن حالىقارالىق تۋرنيردە جۇمىس ىستەۋ بويىنشا پراكتيكالىق تاجىريبە الادى.
باعدارلاماعا ستۋدەنتتەر, جاستار جانە ۆولونتيورلىك ۇيىمداردىڭ وكىلدەرى, سونداي-اق ەلىمىزدىڭ ءىرى حالىقارالىق جوبالارىنىڭ بىرىنە ۇلەس قوسۋعا دايىن بارلىق ازاماتتار شاقىرىلادى.
ايتا كەتەيىك, ءىس-شارا 2026 جىلعى 10 ءساۋىر كۇنى ساعات 11:00–14:00 ارالىعىندا استانا قالاسىنداعى «QAZAQSTAN» جەڭىل اتلەتيكا كەشەنىندە تانىستىرىلىم جانە قاتىسۋشىلارمەن اشىق كەزدەسۋ فورماتىندا وتەدى. وتىنىمدەردى قابىلداۋدىڭ رەسمي باستالۋ كۇنى - 2026 جىلعى 10 ءساۋىر.