شاڭحاي قالاسىندا قازاقستاننىڭ ۇلتتىق اۋە كومپانياسى Air Astana جۇزەگە اسىراتىن الماتى – شاڭحاي باعىتى بويىنشا جاڭا تىكەلەي اۋە رەيسىن سالتاناتتى تۇردە اشىلدى, دەپ حابارلايدى Egemen.kz.
بۇل رەيستىڭ اشىلۋى قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى ەكىجاقتى, اسىرەسە ەكونوميكالىق سالاداعى ىنتىماقتاستىقتى ودان ءارى دامىتۋعا قوسىمشا سەرپىن بەرەدى.
قازاقستان رەسپۋبليكاسىنىڭ شاڭحاي قالاسىنداعى باس كونسۋلى نۇرلان اققوشقاروۆ ءىس-شاراعا قاتىسىپ, الماتى-شاڭحاي اراسىنداعى جاڭا باعىتتىڭ اشىلۋى ەكىجاقتى ءوزارا ءىس-قيمىلدى تەرەڭدەتۋگە, ساۋدا-ەكونوميكالىق جانە ينۆەستيتسيالىق ارىپتەستىكتى كەڭەيتۋگە, سونداي-اق ەكى ەل اراسىنداعى گۋمانيتارلىق بايلانىستاردى جانداندىرۋعا باعىتتالعان ستراتەگيالىق ماڭىزدى قادام ەكەنىن اتاپ ءوتتى.
تاشكەنت – اتىراۋ باعىتىندا جاڭا اۋە رەيسى اشىلادى
جاڭا باعىتتىڭ 2026 جىلعى 7–10 ءساۋىر ارالىعىندا شاڭحاي قالاسىنىڭ مەرى گۋن چجەننىڭ قازاقستانعا جاساعان ساپارى كەزىندە اشىلۋى ەرەكشە مانگە يە بولدى. بۇل قادام 2025 جىلعى ماۋسىمدا ورناتىلعان الماتى مەن شاڭحاي قالالارى اراسىنداعى باۋىرلاستىق بايلانىستاردى نىعايتۋدىڭ جارقىن دالەلىنە اينالدى.
سالتاناتتى ءىس-شاراعا Air Astana باسشىلىعى, شاڭحاي قالاسىنىڭ سىرتقى ىستەر باسقارماسىنىڭ وكىلدەرى, سونداي-اق مەگاپوليستىڭ مەملەكەتتىك ورگاندارى مەن ىسكەرلىك توپتاردىڭ جەتەكشىلەرى قاتىستى. بۇل تاراپتاردىڭ وڭىرارالىق ىنتىماقتاستىقتى ودان ءارى دامىتۋعا جوعارى دەڭگەيدە مۇددەلى ەكەنىن كورسەتتى.
اقش-قا تىكەلەي اۋە رەيسىن اشۋ ماقساتىندا ەلىمىزگە Boeing 787 Dreamliner ۇشاقتارى جەتكىزىلەدى
Air Astana اۋە كومپانياسىنىڭ جاڭا رەيستى ىسكە قوسۋى تىكەلەي اۋە تاسىمالىنا دەگەن ءوسىپ كەلە جاتقان سۇرانىسقا جاۋاپ بەرەدى جانە قازاقستاننىڭ كولىك قولجەتىمدىلىگىن ارتتىرۋعا ىقپال ەتەدى. جاڭا باعىتتىڭ اشىلۋى قازاقستان مەن قىتاي اراسىنداعى ستراتەگيالىق سەرىكتەستىكتى نىعايتۋعا قوسىمشا سەرپىن بەرىپ, وڭىرارالىق ىنتىماقتاستىق پەن ەكىجاقتى قاتىناستاردىڭ ودان ءارى جاندانۋىنا ىقپال ەتەتىن بولادى.
سونىمەن قاتار, بۇل قازاقستاننىڭ قىتايدى ورتالىق ازيامەن, كاۆكازبەن, تاياۋ شىعىسپەن جانە ەۋروپامەن بايلانىستىراتىن نەگىزگى ترانزيتتىك حاب رەتىندەگى ءرولىن كۇشەيتەدى.