پاۆلودار. 14 قاڭتار. پاۆلودارداعى دوستىق ۇيىندە كەڭەس وداعىنىڭ باتىرى ماحمەت قايىرباەۆتىڭ تۋعانىنا 90 جىل تولعانى اتالىپ ءوتتى. بۇل تۋرالى egemen.kz ءتىلشىسى حابارلادى.
ەسكە الۋ كەشىنە سوعىس جانە ەڭبەك ارداگەرلەرى, جاستار بىرلەستىكتەرىنىڭ مۇشەلەرى, باتىردىڭ زايىبى – ءسابيرا امىرقىزى, بالالارى مەن تۋعان-تۋىستارى جينالدى. وبلىستىق اكىمدىك باتىردىڭ جارى ءسابيرا اپاعا قامزول كيگىزىپ, سىي-قۇرمەت كورسەتتى. باتىر قايىرباەۆ 18 جاسىندا الەكساندر نەۆسكي وردەنىنىڭ يەگەرى اتاندى. 1944 جىلى ليتۆاداعى شياۋلياي قالاسىنىڭ باتىس جاعىندا بولعان ۇرىستا جاۋ اسكەرى تانكىمەن شابۋىلعا شىعىپ, كەڭەس اسكەرى قورعانىسىن بۇزا جارىپ, شياۋلياي قالاسىنا كىرۋگە ۇمتىلدى. قايىرباەۆ ءوزىنىڭ 15 جاۋىنگەرىمەن قورشاۋدا قالىپ, شايقاسىپ جاتقان پولك باتارەيالارىنىڭ بىرىنە كومەككە كەلدى. قايىرباەۆتىڭ باسشىلىعىمەن جاۋىنگەرلەر جاۋدىڭ 7-شابۋىلىنا تويتارىس بەرىپ, ءبىر باتالون اسكەرىن جويدى. كەسكىلەسكەن شايقاستا ەرجۇرەك قايىرباەۆ باستاعان جاۋىنگەرلەر شياۋلياي قالاسىنا وتەر جولدى جاپتى. سوعىستان كەيىن باتىر اعامىز وبلىستا پارتيا قىزمەتىندە بولدى. كەشتە باتىردىڭ ءومىر جولى تۋرالى بەينەفيلم كورسەتىلدى.
فاريدا بىقاي.
دەرەك: egemen.kz.
سۋرەت: irstar.kz.