سۋ تاپشىلىعى بولماسىن دەسەك...

مەملەكەت باسشىسى 2029 جىلعا قاراي ەكونوميكامىزدىڭ كولەمىن 450 ميلليارد دوللارعا جەتكىزۋىمىز كەرەك ەكەنىن اتاپ ءوتتى. پرەزيدەنتتىڭ «سونداي-اق ماكرو­ەكو­نو­مي­كا­لىق كورسەت­كىش­تەرمەن قاتار حالىقتىڭ ناق­­تى تابىسى دا قارقىندى تۇردە ارتۋى كەرەك» دەگەنى دە ءتۇيىندى ءسوز بولدى. ياعني ازامات­تار وز­دە­رىنە وڭ وزگەرىستەر سەزىن­بە­سە, ەكونوميكانىڭ كولەمى قان­داي بولاتىنى ماڭىزدى ەمەس. حالىقتىڭ ءال-اۋقاتى – بۇل بار­لىق ەكونوميكالىق رەفور­ما­نىڭ نەگىزگى كورسەتكىشى.

پرەزيدەنت اتاپ وتكەن سۋ رە­سۋرستارىنىڭ جەتىسپەۋشىلىگى ما­سە­لەسىنە نازار اۋدارعىم كەلە­دى. ماسەلەن, كوپتەگەن ءوڭىر قا­زىردىڭ وزىندە اۋىزسۋدىڭ وتكىر تاپشىلىعىن سەزىنىپ وتىر. سۋ رەسۋرستارىنىڭ جەتىسپەۋشىلىگى اسىرەسە اۋىل شارۋاشىلىعى ايماقتارى ءۇشىن وزەكتى. مەملەكەت باسشىسى ء«بىز سۋدى تىم ورىنسىز جۇمسايمىز» دەدى. استانا قالاسىنىڭ وزىندە كولىك جۋ ورىندارىنىڭ 80%-عا جۋىعى اۋىزسۋدى پايدالانادى. ساراپشىلار بولجامىنا سۇيەنسەك, ءبىز قازىر نەمەرەلەرىمىزگە ارنالعان سۋدى تۇتىنىپ جاتىرمىز.

نەگىزى سۋدى ايتارلىقتاي ۇنەمدەۋگە مۇم­كىندىك بەرەتىن تەحنولوگيالار بار. مىسا­لى, اۋىل شارۋاشىلىعىندا – سۋارۋ ءادىسى نەمەسە گيدروگەل, اينالىمداعى سۋمەن جابدىقتاۋ (قايتا اينالىم), ونەركاسىپتە – اعىندى سۋلاردى قايتا وڭدەۋ, تۇرمىستىق قىزمەتتە – كونتاكتىسىز سۋ قۇ­بى­رى جانە تاعى باسقالارى. دەگەنمەن سۋدى تۇتىنۋدىڭ جال­پى­حالىقتىق مادەنيەتىن ەنگىزۋ ماسەلەسى ماڭىزدى بولىپ قالا بەرەدى. ويتكەنى سۋ تاپشىلىعى ماسەلەسىن شەشۋگە ازاماتتاردىڭ وزدەرى قاتىسۋى ما­ڭىزدى. بۇل جەردە قىمبات تەحنولوگيالاردى قول­دانۋدىڭ قاجەتى جوق, سانالى تۇتىنۋ مەن ۇم­تىلىس قاجەت.

ءبىز بالالاردى مەكتەپ كەزىنەن ەكولوگيالىق ساناعا, ونىڭ ىشىندە سۋ رەسۋرسىن ءتيىمدى پايدالانۋعا ۇي­رەتەمىز. قاراپايىم مىسال رە­تىندە: ءتىستى تازالاۋ, ىدىس جۋ كەزىندە سۋدى ۇنەم­دى پايدالانۋ. بۇل – كەز كەلگەن ادام باس­تاي الاتىن جانە كەيىننەن بۇكىل ەلدە جاڭا ەكولوگيالىق مادە­نيەتتىڭ قالىپتاسۋىنا اكە­لەتىن قاراپايىم قادام.

دينارا سادۋاقاسوۆا,

ساياسي ساراپشى