وبلىستىق پوليتسيا دەپارتامەنتىنىڭ قىزمەتكەرلەرى ەكى بالاسىن ءولتىردى دەگەن ايەلدى شىمكەنت قالاسىنداعى قوناق ۇيلەردىڭ بىرىندە ۇستادى, دەپ حابارلايدى Egemen.kz.
كۇدىكتىنى ىزدەۋ جۇمىستارىنا وبلىستىق پوليتسيا دەپارتامەنتىنىڭ بارلىق جەكە قۇرامى, كورشىلەس ايماقتار مەن مەگاپوليستەر جۇمىلدىرىلدى.
«قابىلدانعان شارالاردىڭ ناتيجەسىندە جەدەل ۋاكىلدەر كۇدىكتىنى شىمكەنت قالاسىنداعى قوناق ۇيلەردىڭ بىرىندە ۇستادى. ادام ءولتىرۋ فاكتىسى بويىنشا بارلىق ءمان-جايلاردى انىقتاۋ ماقساتىندا تەرگەۋ جۇرگىزىلىپ جاتىر. ءتيىستى ساراپتامالار تاعايىندالدى. كۇدىكتى ايەل قاماۋعا الىندى. ءىستىڭ تەرگەۋ بارىسى مەنىڭ جەكە باقىلاۋىمدا», دەدى تۇركىستان وبلىسى پوليتسيا دەپارتامەنتىنىڭ باستىعى مۇرات قابدەنوۆ.
ەسكە سالايىق, 7 اقپاندا تۇركىستان قالاسىنداعى جالدامالى پاتەرلەردىڭ بىرىنەن ەكى بالانىڭ دەنەسى تابىلدى. اتالعان فاكتى بويىنشا قىلمىستىق ءىس قوزعالدى. ءولىمنىڭ سەبەبىن انىقتاۋ ءۇشىن بالالاردىڭ دەنەسى ساراپتاماعا جولداندى.