تسيفرلانۋ – وزىق ەلدىڭ ولشەمى

ءبىز مەملەكەتتىك قىزمەتتەردى تسيفرلاندىرۋدى, بانك سالا­سىن­داعى جەتىستىكتەرىمىزدى ماق­تان تۇتامىز, شەتەلدىكتەرگە بانك كارتاسىن نەمەسە جۇر­گىزۋ­شى كۋالىگىن الۋدىڭ قاراپا­يىم­دىلىعىمەن ماقتانامىز. الايدا كوپ سالادا تولىققان­دى تسيفرلىق ترانسفورماتسيا جۇرگىزىلگەن جوق.

بيۋدجەتتىك جانە فيسكالدىق ۇدەرىستەردى تولىعىمەن تسيفر­لاندىرۋ ولاردى بارىنشا اشىق, مەيلىنشە بيۋروكرا­تيا­دان ارىلتۋعا جول اشادى. بيۋدجەت كودەكسىنىڭ جوباسى جانە سالىق كودەكسىن تالقىلاۋ تا­جىريبەسى ۇدەرىس­تەردى تو­لىق تسيفرلاندىرۋ سىبايلاس جەمقورلىق تاۋەكەلدەرi, تەن­دەرلەر وتكiزۋ كەزiندە زاڭ بۇزۋشىلىقتار, ادiلەتسiز سالىق سالۋ سەكىلدى كوپتەگەن ماسەلەنى جويۋعا كومەكتەسەتىنىن كورسەتتi.

سىبايلاس جەمقورلىق, سالىنعان ينۆەستيتسيا تيىمدى­لىگىنىڭ تومەندىگى, جوسپارلى كورسەتكىشتەرگە قول جەتكىزە الماۋ, اسىرەسە تسيفرلاندىرۋ دەڭگەيى ماردىمسىز اۋىل شارۋاشىلىعى, سۋدى پايدالانۋ جانە ەكولوگيا, ەنەرگەتيكا سالالارىندا ءجيى بولاتىنىن كورىپ وتىرمىز.

پرەزيدەنت اۋىل شارۋاشى­لىعىن سۋبسيديالاۋعا بيۋدجەتتەن قوماقتى قاراجات ءبولۋ جوس­پارلانىپ وتىرعانىن ايتتى. دەگەنمەن, بۇل اقشا قارا­با­يىر سۋبسيديالارعا, مىسالى, جانارماي ساتىپ الۋعا ەمەس, وسى وتىندى ۇنەمدەۋگە مۇم­كىندىك بەرەتىن تەحنولوگيالاردى ەنگىزۋدى سۋبسيديالاۋعا جۇمسالۋى كەرەك. مينيسترلىككە وتاندىق يننوۆاتسيالاردى, جاڭا, سەرپىندى تەحنولوگيالاردى ەنگىزۋ ءۇشىن ءوز سالاسىنا سۋبسيديا ءبولۋ مۇمكىندىگىن بەرۋ قاجەت. بۇل ەكونوميكاعا جاڭا سەرپىن بەرىپ, ەلدەگى عى­لىمدى كوممەرتسيالاندىرۋ ۇدەرىس­تەرىن العا جىلجىتادى.

ۇكىمەتتىڭ كەڭەيتىلگەن وتىرىسىندا پرەزيدەنت اتاپ وتكەن مىن­دەت­تەردەن ەكونوميكانى كە­­شەن­­دى تۇردە ىرىقتاندىرۋ ءۇشىن جۇ­­يەلى شارالار قابىلداۋ, ەكو­­نو­مي­­كانى تسيفرلاندىرۋ ءىسىن جال­عا­ستىرۋ جانە جاساندى ين­­تەللەكت تەحنولوگياسىن كەڭى­­نەن قولدانۋعا باسىمدىق بە­­رىل­گەنىن اڭعاردىق. ويتكەنى قا­را­­پايىم حا­لىقتىڭ تابىسىن ارت­­­تىرۋ جانە ۇلتتىق بايلىقتى ءادىل بولۋ­گە قول جەتكىزۋگە وسى ءىس-شا­­­را­لار ارقىلى جەتە الامىز. بۇل – ەكونوميكامىزدى جاڭا دەڭ­­­گەيگە كوتەرىپ, شيكى­زات تاۋەل­دى­­لى­­گى­نەن ارىلتاتىن ماڭىزدى قۇرال.

ەركىن ءابىل,

ءماجىلىس دەپۋتاتى