تۇركىستان وبلىسىندا وڭدەۋ, ءوندىرىستى دامىتۋ, زاۋىتتار اشۋ, ينۆەستيتسيا تارتۋ باعىتىندا قارقىندى جۇمىس ءجۇرىپ جاتىر. بۇل ورايدا ارنايى ەكونوميكالىق جانە يندۋستريالدى ايماقتاردىڭ الار ورنى ەرەكشە.
وبلىس ورتالىعىنداعى «Turkistan» يندۋستريالدى ايماعىندا كۇنى كەشە جيھاز تسەحى اشىلدى. جوبانىڭ جالپى قۇنى – 2,3 ملرد تەڭگە, 50-گە جۋىق جاڭا جۇمىس ورنى قۇرىلعان. زاماناۋي تەحنولوگيالارمەن جابدىقتالعان تسەح كۇنىنە 600 دانا جيھاز شىعارۋعا قاۋقارلى. اتالعان تسەح وبلىس مەكتەپتەرىن, بالاباقشالارىن, سونىمەن بىرگە, وڭىردە اشىلىپ جاتقان عيماراتتاردى تولىقتاي جيھازبەن قامتۋعا ۇلەس قوسپاق.
سونداي-اق «تۇركىستان» اكك» اق-ى تاراپىنان «Turkistan» يندۋستريالدى ايماعىنداعى Brownfield وندىرىستىك عيماراتىنا ينۆەستورلار تارتىلىپ, ش ۇلىق جانە ش ۇلىق بۇيىمدارىن شىعاراتىن كاسىپورىن ىسكە قوسىلدى. قازاقستان مەن قىتاي ينۆەستورلارىنىڭ بىرلەسكەن جوباسىنىڭ قۇنى – 1 ملرد تەڭگە. كاسىپورىن كۇنىنە 32 مىڭ جۇپ ش ۇلىق شىعارۋعا قاۋقارلى, 30 جۇمىس ورنى اشىلعان. وبلىس اكىمدىگىنىڭ قولداۋىمەن ينۆەستورلارعا ارنايى جەر ۇسىنىلعان. وندىرىستىك براۋنفيلد عيماراتىمەن قامتىلعان. ينۆەستورلار ش ۇلىق فابريكاسى تولىق قۋاتىنا جەتكەن سوڭ تۇركىستاندا كوستيۋم شىعاراتىن جوباسىن دا جۇزەگە اسىرماق. بۇل جوباعا 2,8 ملرد تەڭگە ينۆەستيتسيا سالىنادى. كۇنىنە 500 كوستيۋم تىگىلەدى دەپ جوسپارلانىپ وتىر.
ال تۇركىستانداعى «TURAN» ارنايى ەكونوميكالىق ايماعىندا سەندۆيچ-پانەل شىعاراتىن جاڭا زاۋىتتىڭ كاپسۋلاسى سالىندى. وعان وبلىس اكىمى دارحان ساتىبالدى مەن ينۆەستورلار قاتىستى. «مەملەكەت باسشىسى قاسىم-جومارت كەمەل ۇلىنىڭ تاپسىرماسىنا سايكەس, وبلىسىمىزدىڭ وڭدەۋ ونەركاسىبىن دامىتۋ ءۇشىن جانە قالا تۇرعىندارىنا جۇمىس ورىندارىن اشۋعا ۇلەسىن قوساتىن «TURAN» ارنايى ەكونوميكالىق ايماعىندا جاڭا زاۋىت قۇرىلىسى باستالعالى تۇر. «Panel Sistem KZT» كومپانياسىنىڭ جوباسىنىڭ ىسكە قوسىلۋى وبلىستىڭ الەۋمەتتىك-ەكونوميكالىق دامۋىنا تىڭ سەرپىن بەرىپ, وتاندىق ونىمدەرمەن قامتاماسىز ەتۋ كولەمىن ارتتىرۋعا جانە حالىقتىڭ ءال-اۋقاتىن كوتەرۋگە ءوز سەپتىگىن تيگىزەدى. اتالعان ونەركاسىپتە وندىرىلەتىن سەندۆيچ-پانەلدەر كەلەشەكتە وڭىردەگى ىسكە اسىرىلاتىن جوبالاردىڭ قۇرىلىسىنا قولدانىلادى», دەدى دارحان ساتىبالدى. بۇل جوبانىڭ ينۆەستيتسيالىق قۇنى – 1,54 ملرد تەڭگە, 30-دان استام جاڭا جۇمىس ورنى اشىلادى. اتالعان زاۋىتتىڭ جىلدىق قۋاتتىلىعى – 250 مىڭ شارشى مەتر. وندا سەندۆيچ-پانەلدەر, گوفرلەنگەن قاڭىلتىرلار, مەتالل پليتكالار جانە وزگە دە قۇرىلىسقا قاجەتتى زاتتار شىعارىلادى دەپ جوسپارلانعان. بۇگىندە زاۋىت سالىناتىن جەر تەلىمى ءبولىنىپ, ءتيىستى جۇمىستار باستالىپ كەتكەن. «Panel Sistem KZT» كومپانياسىنىڭ بۇل جوباسى بيىل جۇزەگە اسادى.
وبلىستا ءسۇت كلاستەرىن ىسكە اسىرۋ ماقساتىندا جاڭا ءوندىرىس ورىندارىن سالۋ «تۇركىستان» اكك» اق تاراپىنان بىرنەشە اۋقىمدى جوبا قولعا الىنعان. سونىڭ ءبىرى – قۇنى 3,3 ملرد تەڭگە بولاتىن ساۋران اۋدانىنداعى تاۋارلى-ءسۇت فەرماسىن سالۋ جوباسى. ماقۇلدانعان قاراجاتقا تاۋارلى-ءسۇت فەرماسىنىڭ جابدىقتارى تۇركيادان اكەلىنىپ جاتىر. ال دانيادان ءىرى قارا ساتىپ الۋ جوسپارلانعان. قازىرگى ۋاقىتتا قۇرىلىس الاڭىنا قاجەتتى مەتالل كونسترۋكتسيالاردىڭ 80%-ى جەتكىزىلدى. ءسۇت-تاۋار فەرماسىن جەم-شوپپەن قامتاماسىز ەتۋ ماقساتىندا كاسىپورىن 1 322 گەكتار سۋارمالى ەگىستىك القابىنا جوڭىشقا, جۇگەرى, بيداي داقىلدارىن ەگۋدى جوسپارلاپ وتىر. سونىمەن قاتار فەرما اۋماعىندا 80 گەكتار جەردە 2 جاڭبىرلاتىپ سۋارۋ ماشينالارى ورناتىلۋدا. كاسىپورىن قاجەتتى اۋىلشارۋاشىلىق تەحنيكالارمەن تولىق قامتىلعان. ال «Sultan Agro Group» جشس-نىڭ 600 باس ءسۇت-تاۋار فەرماسىن سالۋ جوباسىنىڭ قۇنى – 4,3 ملرد تەڭگە. قازىرگى كەزدە قاجەتتى جابدىقتار مەن تەحنيكالار الىنعان. جوبا بيىل مامىر ايىندا ىسكە قوسىلىپ, جىلىنا 5000 توننا ءسۇت وندىرەدى, سونداي-اق 50 جۇمىس ورنى اشىلادى.
بۇدان بولەك وبلىستا «بورتە ميلكا» جشس, ياعني 403 باسقا تاۋارلى-ءسۇت فەرماسىن ۇلعايتۋ جوباسى ىسكە اسىرىلادى. جوبانىڭ جالپى قۇنى – 2,8 مرد تەڭگە. قازىرگى ۋاقىتتا فەرمانىڭ جاڭا عيماراتىنىڭ ىرگەتاسى اياقتالۋعا جاقىن. سونداي-اق جەمشوپ ساقتاۋ قويماسىنىڭ قۇرىلىسى جۇرگىزىلۋدە. قورا كونسترۋكتسيالارىنا قاجەتتى قۇرىلىس ماتەريالدارى تولىق كولەمدە ساتىپ الىندى. ورداباسى اۋدانىنداعى بۇل جوبا بيىل ءساۋىر ايىندا ىسكە قوسىلادى دەپ جوسپارلانۋدا. ناتيجەسىندە, 35 جاڭا جۇمىس ورنى اشىلىپ, جىلىنا 2 700 توننا ءسۇت وندىرىلمەك.
تۇركىستان وبلىسى