ەرلى-زايىپتىلاردىڭ ەكەۋى دە پوليتسيا قىزمەتكەرى. پوليتسيا دەپارتامەنتىنىڭ مالىمەتىنشە, پوليتسەيلەر ءمايىتتى 1 قاراشا كۇنى تاڭەرتەڭ وسى وتباسى يۇراتىن ءۇيدىڭ اۋلاسىنان تاپقان, دەپ حابارلايدى Egemen.kz.
سونداي-اق, ولاردىڭ وتباسىلىق قارىم-قاتىناستار جاقسى بولماعانى انىقتالدى. ەرلى-زايىپتىلار اجىراسۋ ءراسىمىن كۇتىپ جۇرگەن.
– وسى فاكتى بويىنشا قر قىلمىستىق كودەكسىنىڭ 99-بابى «ادام ءولتىرۋ» بويىنشا قىلمىستىق ءىس قوزعالدى. قىلمىس جاسادى دەگەن كۇدىكپەن 25 جاستاعى جىگىت ۇستالىپ, ۋاقىتشا ۇستاۋ يزولياتورىنا قامالدى. وقيعانىڭ ءمان-جايىن انىقتاۋ ءۇشىن ساراپتاما تاعايىندالىپ, قاجەتتى تەرگەۋ ارەكەتتەرى جۇرگىزىلۋدە, دەپ حابارلادى ۆەدومستۆودان.
ەكى بالا اناسىز قالدى. قىلمىستىق تەرگەۋدى ىشكى ىستەر مينيسترلىگى ءوز قولىنا الدى.
باسقا مالىمەتتەر تەرگەۋ جۇمىستارىنا بايلانىستى جاريا ەتۋگە جاتپايدى.