جامبىل وبلىسىندا نان قىمباتتادى. اس اتاسىنىڭ 20 تەڭگەگە قىمباتتاپ شىعا كەلگەنى جۇرتتىڭ نارازىلىعىن تۋعىزدى, دەپ حابارلايدى Egemen.kz.
ناننىڭ ءبىر بولكەسى قازىر 120 تەڭگە, ءتىپتى كەيبىر دۇكەندەردە 150 تەڭگەدەن ساتىلىپ جاتىر. ويتكەنى ناۋبايحاناشىلار ۇننىڭ قىمباتتاۋىنان ەسكى باعانى بۇدان ارى ۇستاپ تۇرا المايمىز دەيدى. بۇل تۋرالى كتك ارناسىنا مالىمدەدى.
ولار قاراشانىڭ 1-نەن باستاپ, ياعني بۇگىننەن ازىق-ت ۇلىك دۇكەندەرىنە ناننىڭ 20 تەڭگەگە قىمباتتايتىنى جايلى حابارلامانى الدىن الا جىبەرگەن. كاسىپكەرلەر بۇعان ۇن باعاسى كوتەرىلگەندىكتەن, امالسىزدان جاسالعان قادام دەپ تۇسىنگەن. ال تۇرعىندارعا 100 تەڭگەلىك ناننىڭ ەندى 120 تەڭگە تۇرۋى كۇتپەگەن جاعداي بولىپتى.
ءتىپتى شەنەۋنىكتەردىڭ ءوزى بۇنداي وزگەرىستى بىلمەي قالعان. ايتۋلارىنشا, اس اتاسىنىڭ باعاسىن كوتەرۋ تۋرالى ولارمەن ەشكىم اقىلداسپاعان.سوندىقتان رۇقساتسىز ارەكەت ەتكەندەرگە باعانى بۇرىنعى قالپىنا كەلتىرۋىنە تۋرا كەلدى.
«120 تەڭگە كولەمىندە ساتىلۋ باعاسى بويىنشا فاكتىسى انىقتالدى. ايتا كەتەتىن ءجايت, سۋپەرماركەتتەردە ناننىڭ باعاسى قازىرگى تاڭدا 100 تەڭگە كولەمىندە ساتىلۋدا. جوعارىدا ايتىلعان فاكتى بويىنشا ءىس شارا جوسپارى بەكىتىلىپ, سول ءىس شارا جوسپارى ارقىلى ءبىز ناننىڭ باعاسىن تۇراقتاندىرۋ بويىنشا جۇمىس اتقاراتىن بولامىز», - دەيدى جامبىل وبلىسى كاسىپكەرلىك جانە يندۋستريالدى-يننوۆاتسيالىق دامىتۋ باسقارماسىنىڭ باس مامانى ەلجار قۇرمانبەك.