كاسىپقوي بوكسشى دانيار ەلەۋسىنوۆ جالاقى داۋىنا قاتىستى پىكىر ءبىلدىردى, - دەپ حابارلايدى Egemen.kz.
كتك تەلەارناسىنىڭ جازۋىنا قاراعاندا, وليمپيادا چەمپيونى سپورت مەكتەبىنەن 1,5 جىل بويى زاڭسىز الىپ كەلگەن جالاقىسىن قايتارىپ, جۇمىستان شىعىپ كەتكەن.
"جاقىندا عانا ءبىر جارىم جىل بويى الىپ كەلگەن جالاقىنىڭ بارلىعىن كەرى قايتاردىم. وسىلايشا, سپورت مەكتەبىندەگى جۇمىستان شىقتىم. ەندى ول جەردە جۇمىس ىستەمەيمىن. سالىق مەكەمەسىنە بارىپ, ارنايى ەسەپ جۇرگىزىپ, بارلىعىن تولەدىم. كوپ سوما دەۋگە كەلمەيدى. تاجىريبەم دە توقتاپ تۇر. رەسمي تۇردە جۇمىسقا ورنالاسۋ كەرەك, بىراق كاسىبي بوكستا جۇرگەندىكتەن, ول ازىرگە مۇمكىن بولماي تۇر. مەن ءوز ەلىمدە جۇمىس ىستەۋگە, وسكەلەڭ ۇرپاقپەن تاجىريبەمدى بولىسۋگە دايىن بولدىم. ەشقانداي وكپە جوق. قازىر ءبارى جاقسى. جاقىندا شارشى الاڭعا ورالامىن دەپ ۇمىتتەنەمىن", - دەدى كاسىپقوي بوكسشى.
بۇعان دەيىن دانيار ەلەۋسىنوۆتىڭ ءوزى اقش-تا بولا تۇرا, قازاقستاندا جاتتىقتىرۋشىنىڭ جالاقىسىن الىپ جۇرگەنى جايىندا اقپارات تاراعان بولاتىن.