الەۋمەتتىك مەديتسينالىق ساقتاندىرۋ قورى باسشىسىنىڭ جالاقىسى قانشا؟

"موي گورود" باسىلىمىنىڭ مالىمەتىنشە, الەۋمەتتىك مەديتسينالىق ساقتاندىرۋ قورى 2022 جىلى باسقارما مۇشەلەرىنە 93,8 ملن تەڭگە جالاقى بەرگەن.

بۇعان دەيىن قازاقستاندىق تەلەگرام-كانالدار قور قىزمەتى تۋرالى جىلدىق ەسەپتىڭ جاريالانۋىنا نازار اۋدارعان بولاتىن. قۇجاتقا سايكەس, باسقارمانىڭ بەس مۇشەسى جالپى سوماسى 93,8 ميلليون تەڭگە سىياقى العان.

18 قازاندا ءمامس قور باسقارما توراعاسىنىڭ ناقتى جالاقىسىن جاريالادى. ونى ديرەكتورلار كەڭەسى بەكىتكەن.

«قازىرگى باسقارما باسشىسىنىڭ ەڭ تومەنگى بەلگىلەنگەن دەڭگەيدە جالاقىسى «تازا» 1,39 ميلليون تەڭگەنى قۇرايدى», - دەلىنگەن حابارلامادا.

قور باسقارمانىڭ ءاربىر مۇشەسىنە, ونىڭ ىشىندە توراعاعا سىياقى مولشەرى ۇكىمەت قاۋلىسىمەن ەڭ تومەنگى جالاقىنىڭ 10 (2022 جىلى 600 مىڭ تەڭگە) مولشەرىندە شەكتەلەتىنىنە سەندىردى.

- بۇل - ءبىر جىل ىشىندە باسقارمانىڭ ءبىر مۇشەسىنە سىياقى رەتىندە تولەۋگە قاراستىرىلعان سوما. قوردىڭ جىلدىق ەسەبىندە كورسەتىلگەن 93,8 ميلليون تەڭگە جالاقى, جوعارىدا اتالعان سىياقىلار جانە ەڭبەك دەمالىسىنىڭ سوماسى بولىپ سانالادى, - دەپ جازدى قور.