ساران قالاسى ماڭىنداعى ەلدى مەكەننىڭ مادەنيەت ۇيىنە جارىلعىش زات ورناتىلعانى تۋرالى حابارلاعان ءجاسوسپىرىم ۇستالدى, دەپ جازاداى Egemen.kz.
17 قازان ساعات 22:00 شاماسىندا ساران قالالىق پوليتسيا ءبولىمىنىڭ كەزەكشى بولىمىنە بەلگىسىز بىرەۋ قوڭىراۋ سوعىپ, قالاعا قاراستى ەلدى مەكەننىڭ مادەنيەت ۇيىندە جارىلعىش زات ورناتىلدى دەپ حابارلاعان. وقيعا ورنىنا بىردەن ءتارتىپ ساقشىلارى جىبەرىلدى.
عيماراتتى جانە وعان تيەسىلى اۋماقتى قاراۋ بارىسىندا ەشقانداي جارىلعىش زات تابىلعان جوق.
قاراعاندى وبلىستىق پوليتسيا دەپارتامەنتى ەكسترەميزمگە قارسى كۇرەس جانە ساران قالالىق پوليتسيا ءبولىمى قىزمەتكەرلەرىمەن جۇرگىزىلگەن كەشەندى ءىس-شارالار بارىسىندا وسى ىسكە قاتىسى بار دەگەن كۇدىكپەن 16 جاستاعى ءجاسوسپىرىم ۇستالدى. ول بۇنداي ىسكە ءازىل ءۇشىن بارعانىن مويىندادى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 273-بابىنا (تەرروريزم اكتiسi تۋرالى كورiنەۋ جالعان حابارلاۋ) سايكەس قىلمىستىق ءىس قوزعالدى.